Лінкі ўнівэрсальнага доступу

У Літве запусьцілі праект «Vatnikas»


У Літве запусьціла праект па супрацьдзеяньні расейскай прапаганды. Інфармацыйны партал атрымаў назву «Vatnikas». Ён будзе працаваць на ўзор украінскага «Міратворцу» — публікаваць дадзеныя людзей, якія, на думку стваральнікаў сайту, распаўсюджваюць ілжывую інфармацыю.

Як паведамляе выданьне Lietuvos žinios, аўтары праекту «Vatnikas» называюць сябе «эльфамі» — антонім да слова «тролі», які параўноўваюць з распаўсюджваньнем прапаганды ў інтэрнэце. У самім жа сьпісе «Vatnikas» пакуль знаходзіцца каля 150-ці чалавек.

Украінскі «Міратворац» атрымаў вядомасьць пасьля публікацыі пэрсанальных дадзеных журналістаў шэрагу буйных СМІ і навінавых агенцтваў. У датабазе рэсурсу знаходзяцца тысячы імёнаў. Публікацыі «Міратворца» выклікалі рэзкую крытыку з боку журналістаў украінскіх і замежных СМІ, арганізацыі «Рэпарцёры бяз межаў», «Камітэту абароны журналістаў», уладаў ЗША і Эўразьвязу.

Ваша меркаваньне

Паказаць камэнтары

XS
SM
MD
LG