У лістападзе колькасьць звольненых работнікаў зноў перавысіла колькасьць прынятых. Арганізацыі краіны прынялі на працу 48 309 чалавек, а звольнілі — 54 697.
Белстат прыводзіць суадносіны прынятых і звольненых работнікаў па розных галінах дзейнасьці:
- сельская, лясная і рыбная гаспадарка — 64,7%
- сфэра іншых паслуг — 68,5%,
- фінансавая і страхавая дзейнасьць — 74,8%,
- будаўніцтва — 76,9%,
- прамысловасьць — 79,3%,
- транспартная дзейнасьць, складаваньне, паштовая і кур’ерская дзейнасьць — 82,1%,
- апэрацыі зь нерухомай маёмасьцю — 82,4%,
- прафэсійная, навуковая і тэхнічная дзейнасьць — 87,4%,
- водазабесьпячэньне; збор, апрацоўка і выдаленьне адкідаў, дзейнасьць па ліквідацыі забруджваньняў — 89,9%,
- ахова здароўя і сацыяльныя паслугі — 98,8%.
І хоць у некаторых галінах дзейнасьці ўзялі на працу болей работнікаў, чым звольнілі, сярэдні паказьнік па краіне склаў 88,3%.
Паводле лістападаўскіх зьвестак, у краіне афіцыйна працуюць 4 млн 349,4 тысячы чалавек. За год колькасьць занятых скарацілася на 33 900.
Тым часам афіцыйна зарэгістраваных беспрацоўных — 0,6%.
Кабякоў: Падчас крызісу ў Беларусі не было масавых звальненьняў. Белстат: мінус 43 тысячы работнікаў толькі з пачатку году
Разавых масавых звальненьняў у Беларусі сапраўды не было, але за 5 гадоў Беларусь страціла 300 тысяч працоўных.