Тром падазраваным у падрыхтоўцы тэракту ў Казанскім саборы Санкт-Пецярбургу прад’явілі абвінавачваньне. Іх вінавацяць у незаконным захоўваньні зброі і выбуховых рэчываў, паведамляе партал «Медиазона».
14 сьнежня прадстаўнікі Фэдэральнай службы бясьпекі Расеі паведамілі пра затрыманьне групы асоб, нібыта якая займалася падрыхтоўкай тэрарыстычных актаў у Пецярбургу. Паводле інфармацыі сьледчых, адзін з затрыманых рыхтаваўся падарваць Казанскі сабор.
17 сьнежня прэзыдэнт Расеі Ўладзімір Пуцін падзякаваў прэзыдэнту ЗША Дональду Трампу за інфармацыю ад ЦРУ, якая дапамагла знайсьці і затрымаць падазраваных у падрыхтоўцы тэрактаў у Санкт-Пецярбургу і іншых гарадах Расеі.
