Лінкі ўнівэрсальнага доступу

Трамп: расейска-амэрыканская заява па Сырыі ўратуе «калясальную колькасьць жыцьцяў»


Прэзыдэнт Расеі Ўладзімір Пуцін і прэзыдэнт ЗША Дональд Трамп у сумеснай заяве па Сырыі дамовіліся працягваць сумесныя намаганьні ў барацьбе з тэрарыстычнай групоўкай «Ісламская дзяржава» да таго часу, пакуль яна ня будзе пераможаная.

Пра гэта сказана ў сумеснай заяве прэзыдэнтаў Расеі і ЗША, разьмешчаным на сайце Крамля. Яна было ўзгодненая ў кулюарах саміту краін — удзельніц Азіяцка-Ціхаакіянскага супрацоўніцтва ў Віетнаме.

У тэксьце гаворыцца, што абодва лідэры пацьвердзілі сваю прыхільнасьць да незалежнасьці і тэрытарыяльнай цэласнасьці Сырыі. Пуцін і Трамп заявілі, што канфлікт у Сырыі ня мае ваеннага рашэньня. Канчатковае палітычнае ўрэгуляваньне канфлікту павінна быць знойдзена ў рамках Жэнэўскага працэсу ў адпаведнасьці з рэзалюцыяй Рады бясьпекі ААН, адзначаецца ў заяве.

Трамп высока ацаніў сумесную заяву па Сырыі. Па словах амэрыканскага прэзыдэнта, яна " уратуе калясальную колькасьць жыцьцяў«. Па словах расейскага прэзыдэнта, дакумэнт зьяўляецца «неверагодна важным».

Дакумэнт абмяркоўваўся на хаду па дарозе на цырымонію фатаграфаваньня. Напярэдадні ў пятніцу доўгія чаканьні магчымай сустрэчы скончыліся дэманстрацыяй фатаграфіі поціску рукі двух прэзыдэнтаў.

На прэс-канфэрэнцыі, якая адбылася ў суботу, Пуцін назваў пасьпяховай кароткую сустрэчу з Трампам, але адзначыў, што тое, што не адбылася асабістая сустрэча, «гаворыць пра тое, што стасункі паміж Расеяй і ЗША пакуль ня выйшлі са стану крызісу». Дональд Трамп, са свайго боку, сказаў, што Пуціна вельмі абражаюць, калі ўвесь час выказваюць супраць Расеі абвінавачваньні ва ўмяшаньні ў амэрыканскі выбарчы працэс, і што расьсьледаваньне гэтага меркаванага ўплыву вельмі шкодзіць нармалізацыі адносінаў паміж дзьвюма краінамі.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG