Лінкі ўнівэрсальнага доступу

Нашчадак беларускіх габрэяў атрымаў Нобэлеўскую прэмію па фізыцы


Бары Барыш

3 кастрычніка стала вядома, што самую прэстыжную ў сьвеце навуковую прэмію ў фізыцы атрымалі трое амэрыканцаў: Кіп Торн, Райнэр Вайc і Бары Барыш. Продкі апошняга паходзяць зь Беларусі.

Барыш нарадзіўся ў амэрыканскім штаце Нэбраска ў 1936 годзе. Сем’і яго бацькоў — габрэі-эмігранты з Заходняй Беларусі. Бабуля і дзед Бары Барыша нарадзіліся ў другой палове XIX стагодзьдзя.

У інтэрвію ўнівэрсытэцкаму выданьню ў Каліфорніі 19 гадоў таму будучы набэліст распавёў, што сем’і ягоных бацькоў прыбылі ў Амэрыку асобна і пазнаёміліся на заходнім узьбярэжжы ЗША. Дзед нобэлеўскага ляўрэата Хаiм-Доў бэн Барух Бэнэдэт Барыш пахаваны ў штаце Аёва, а бабуля — на могілках у Нэбрасцы.

Нобэль у галіне фізыкі далі за адкрыцьцё гравітацыйных хваляў

Райнэр Вайc, Бары Барыш і Кіп Торн
Райнэр Вайc, Бары Барыш і Кіп Торн

Навукоўцы атрымалі прэмію за вывучэньне гравітацыйных хваляў. Нягледзячы на тое, што ўпершыню іх узгадаў яшчэ стагодзьдзе таму Эйнштэйн, менавіта амэрыканскія дасьледчыкі ў свой час распрацавалі праект, паводле якога стварылі лазэрна-інтэрфэрамэтрычную гравітацыйна-хвалевую абсэрваторыю (LIGO). Назіраньне за гравітацыйнымі хвалямі распачалі ў 2002 годзе, але толькі ў верасьні 2015-га навукоўцам упершыню давялося зафіксаваць усплёск, які зьявіўся пры сутыкненьні дзьвюх чорных дзірак.

Глядзець камэнтары (8)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG