Лінкі ўнівэрсальнага доступу

Урад Каталёніі паведамляе пра 38 пацярпелых у сутычках з паліцыяй. ВІДЭА


Афіцэры гішпанскай нацыянальнай гвардыі
Афіцэры гішпанскай нацыянальнай гвардыі

Урад Каталёніі паведамляе, што ў сутычках з паліцыяй, якая перашкаджае правядзеньню рэфэрэндуму, пацярпелі 38 чалавек. Мэр Барсэлёны Ада Калаў запатрабавала адстаўкі прэм'ер-міністра Гішпаніі Марыяна Рахоя.

Дэпартамэнт аховы здароўя аказаў мэдычную дапамогу 38 пацярпелым. На выбарчых участках у Каталёніі працягваюцца сутычкі паміж паліцыяй і грамадзянамі, якія жадаюць прыняць удзел у галасаваньні.

У Жыроне паліцыянты выбілі дзьверы, дзе павінен быў прагаласаваць каталёнскі лідэр Карлэс Пудждэмон, і занялі памяшканьне. Паліцыянты адбіраюць скрыні зь бюлетэнямі для галасаваньня і блякуюць будынкі, дзе разьмешчаныя выбарчыя ўчасткі. Некалькі чалавек у Барсэлёне былі затрыманыя.

Каталёнцы не пускаюць паліцыянтаў на ўчасткі, паліцыя адступае

​Нацыянальная паліцыя Гішпаніі спрабавала прабіцца да выбарчага ўчастку, каб канфіскаваць бюлетэні для галасаваньня на рэфэрэндуме аб незалежнасьці Каталёніі. Але людзі далі адпор, не прапусьцілі. Адбыліся сутыкненьні, паліцыя адступіла. Каталёнская паліцыя ў інцыдэнт ня ўмешвалася.

З Радыё Свабода жыхарка Каталёніі Эстэр падзялілася відэа, якое яна зьняла ў школе Пэрэ Віля:

Жорсткія дзеяньні паліцыі на выбарчым участку ў Барсэлёне
пачакайце

No media source currently available

0:00 0:00:55 0:00

У Каталёніі абстаноўка абвастраецца. Жывое ўключэньне з Барсэлёны

У Каталёніі на ўчастку адкрылі страляніну, актывісты начуюць у школах

Што цяпер адбываецца ў Каталёніі — жывое ўключэньне з Барсэлёны. Відэа

На ўчастку ў школе Рамона Люля — зусім блізка ад сабора Саграда Фамільля — нацыянальная паліцыя выбіла дзьверы і канфіскавала бюлетэні:

Афіцэры гішпанскай Цывільнай гвардыі выбіваюць дзьверы на выбарчым участку, дзе мусіў галасаваць каталёнскі лідэр Карлэс Пудждэмон
Афіцэры гішпанскай Цывільнай гвардыі выбіваюць дзьверы на выбарчым участку, дзе мусіў галасаваць каталёнскі лідэр Карлэс Пудждэмон
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG