Лінкі ўнівэрсальнага доступу

Супрацоўніцу расейскага «Першага каналу» выдварылі з Украіны


Затрыманую ў Кіеве супрацоўніцу расейскага «Першага каналу» Ганну Курбатаву выправадзілі з тэрыторыі Ўкраіны.

Пра гэта паведамілі ў Службе бясьпекі Ўкраіны. У ведамстве адзначылі, што Курбатавай на тры гады забаронены ўезд ва Украіну — з прычыны яе дзейнасьці, якая, як лічаць у Кіеве, шкодзіць украінскім нацыянальным інтарэсам.

Курбатава была затрыманая ў Кіеве 30 жніўня. Перад гэтым украінскія актывісты абвінавацілі яе ў «прапагандзе, маніпуляваньні грамадзка значнай інфармацыяй і тэндэнцыйным выкладзе падзей». Гэта адбылося пасьля сюжэту Курбатавой пра сьвяткаваньне Дня незалежнасьці Ўкраіны. Супрацоўніца расейскага «Першага каналу» назвала парад у Кіеве «маршам залежнасьці».

XS
SM
MD
LG