Лінкі ўнівэрсальнага доступу

Суркоў: «Прыхільнасьць да менскіх пагадненьняў пад сумнеў ня ставілася»


Ўладзіслаў Суркоў

Паводле памочніка прэзыдэнта Расеі Ўладзіслава Суркова, дыскусія са спэцпрадстаўніком Дзярждэпартамэнту ЗША па справах Украіны Куртам Волкерам вялася «ў тоне ўзаемнай павагі і зацікаўленасьці», а сустрэча была «карыснай і канструктыўнай».

«Мы пагадзіліся, што бягучая сытуацыя на паўднёвым усходзе Ўкраіны ня можа задавальняць ні канфліктуючыя бакі, ні зьнешнія сілы, якія садзейнічаюць урэгуляваньню, — сказаў Суркоў ТАСС па выніках перамоваў. — Дыскусія вялася ў тоне ўзаемнай павагі і зацікаўленасьці, сумленна, сур’ёзна, без ілюзій і перадузятасьці. Прыхільнасьць да менскіх пагадненьняў пад сумнеў ня ставілася: абодва бакі прапанавалі сьвежыя ідэі і наватарскія падыходы па іх рэалізацыі. Добрая сустрэча».

Паводле Суркова, яны з Волкерам дамовіліся аб працягу сумеснай працы, вызначылі тэмы для наступнай сустрэчы.

«Пагадзіліся з тым, што мірны працэс і на палітычным трэку, і ў сфэры бясьпекі можа і павінен ісьці хутчэй», — сказаў памочнік прэзыдэнта Расеі.

Спэцпрадстаўнік Дзярждэпартамэнту ЗША па справах Украіны Курт Волкер 21 жніўня ў Менску правёў сустрэчу з памочнікам прэзыдэнта Расеі Ўладзіславам Сурковым.

XS
SM
MD
LG