Лінкі ўнівэрсальнага доступу

Міліцыянт з Рэчыцы пабіў мужчыну за адмову выключыць тэлефон. Відэа


Праваабарончы цэнтар «Вясна» апублікаваў відэа, на якім неназваны міліцыянт бʼе мужчыну за адмову выключыць тэлефон. Аўтар відэа расказаў «Вясьне», што напісаў скаргу на дзеяньні рэчыцкага міліцыянта ў мясцовае аддзяленьне Сьледчага камітэту і рыхтуе заяву ва Ўпраўленьне ўласнай бясьпекі МУС.

«Я разам са сваім таварышам ішоў па вуліцы ў горадзе Рэчыца нападпітку, — распавядае аўтар відэа. — Нас затрымалі супрацоўнікі міліцыі і папрасілі праехаць у аддзяленьне, мы пагадзіліся без усялякага супраціву, паехалі дыхаць у трубку, а потым ізноў у аддзяленьне, каб выпісалі штраф.

Там я пачаў весьці відэаздымку на тэлефон, пасьля гэтага мяне пабіў супрацоўнік міліцыі і адправіў ў ізалятар часовага ўтрыманьня на 72 гадзіны. Пасьля мяне абвінавацілі паводле трох артыкулаў і далі штраф 22 базавыя велічыні [506 рублёў]».

Свабода спрабуе атрымаць камэнтар рэчыцкай міліцыі і Сьледчага камітэту.

Днём раней міністар унутраных справаў Беларусі Ігар Шуневіч дапусьціў магчымасьць некампэтэнтнасьці сваіх падначаленых. Раней Шуневіч на заявы аб зьбіваньні людзей міліцыянтамі адказваў заявамі пра «інфармацыйную вайну» супраць МУС з мэтай «зьмены сацыяльнага ладу».

Ваша меркаваньне

Паказаць камэнтары

XS
SM
MD
LG