Лінкі ўнівэрсальнага доступу

Кіраўніца футбольнага клюбу «Граніт» аблаяла Ігара Случака ў афіцыйным лісьце


Ігар Случак

Грамадзкі актывіст Ігар Случак, вядомы змаганьнем за пашырэньне ўжываньня беларускай мовы, атрымаў адказ ад кіраўніцы футбольнага клюбу Граніт М.Быстрай наконт прапановаў беларусізацыі спартовага жыцьця. Адказ дасланы на афіцыйным блянку клюбу, і ў ім чыноўніца карыстаецца наступнай лексыкай (артаграфія захаваная):

«Вы займаецеся нікому не патрэбнай справай», «не трэба здавацца разумнейшым, чым вы ёсць на самай справе», «да разумнага чалавека вам яшчэ вельмi далёка», «у вашых лістах адлюстраванне чалавека, якi мае ўзровень — дзіцячы сад ясельная група».

Ігар Случак у Фэйсбуку апублікаваў скан гэтага ліста, нагадаўшы, што ў той жа час адзін з лідэраў футбольнага чэмпіянату і «самы беларускамоўны клюб ў Вышэйшай лізе» — гарадзенскі «Нёман» — выказаў яму падзяку «за значны ўнёсак у кірунку павышэння статусу беларускай мовы, а таксама за пашырэньне яе выкарыстаньня ня толькі ў футболе, але і ў штодзённым жыцьці кожнага беларуса».

Ваша меркаваньне

Паказаць камэнтары

XS
SM
MD
LG