Лінкі ўнівэрсальнага доступу

Справа былых топ-мэнэджэраў «Беларусбанку» паступіла ў суд


Belarus - The court of Tsentralny (Central) district of Minsk. Minsk, 25Aug2016

У суд Цэнтральнага раёну Менску паступіла крымінальная справа супраць былых топ-мэнэджэраў ААТ «Беларусбанк». Ім інкрымінуюць дзевяць складаў злачынства.

Пра гэта паведаміла памочніца старшыні Менскага гарадзкога суду Анастасія Шыльвян.

Дата і час пачатку судовага працэсу пакуль ня вызначаныя.

Былога першага намесьніка старшыні праўленьня банку Генадзя Гаспадарыка абвінавачваюць у зьдзяйсьненьні злачынстваў, прадугледжаных ч. 2 і ч. 3 арт. 430 (атрыманьне хабару), ч. 2 і ч. 3 арт. 424 (злоўжываньне службовымі паўнамоцтвамі) Крымінальнага кодэксу.

Былы намесьнік дырэктара дэпартамэнту — начальнік упраўленьня касавага абслугоўваньня дэпартамэнту па працы з каштоўнасьцямі «АСБ Беларусбанк» абвінавачваецца ў атрыманьні хабару, даваньні хабару і падбухторваньні да даваньня хабару.

Паводле КДБ, Генадзь Гаспадарык быў затрыманы 15 чэрвеня мінулага году на месцы злачынства, падчас атрыманьня хабару ў 14 тысяч даляраў ЗША. На пасаду першага намесьніка старшыні праўленьня «АСБ Беларусбанк» ён быў прызначаны ў лютым 2012 году. Узнагароджаны мэдалём «За працоўныя заслугі».

Ваша меркаваньне

Паказаць камэнтары

XS
SM
MD
LG