Пра гэта паведамляе Le Figaro.
Такім чынам Эўрапарлямэнт задаволіў запыт францускага правасудзьдзя, якое патрабавала зьняць зь Лё Пэн дэпутацкі імунітэт па справе дыфамацыі мэра Ніцы Крысьціяна Эстразі. У траўні 2015 году Лё Пэн абвінаваціла мэра Ніцы ў фінансаваньні ісламісцкіх арганізацыяў.
Сама Лё Пэн не прысутнічала на галасаваньні, паколькі цяпер яна ўдзельнічае ў перадвыбарчай кампаніі другога туру парлямэнцкіх выбараў у Францыі, які адбудзецца 18 чэрвеня.
Учора, 14 чэрвеня, Эўрапарлямэнт чацьверты раз пазбавіў дэпутацкага імунітэту бацьку Марын Лё Пэн, заснавальніка «Нацыянальнага фронту» Жан-Мары Лё Пэна за яго расісцкія выказваньні.