Сталы прадстаўнік ЗША пры ААН Нікі Хэйлі ў інтэрвію тэлеканалу CNN адказала на пытаньні пра антырасейскія санкцыі Вашынтону і пра меркаванае ўмяшаньне Масквы ў амэрыканскія выбары.
На пытаньне пра магчымы «націск» Белага дому на Дзяржаўны дэпартамэнт, каб адмяніць антырасейскія санкцыі ў пачатку прэзыдэнцкага тэрміну Дональда Трампа, дыплямат адказала, што Вашынгтон ня мае намеру адмяняць штрафныя меры ў дачыненьні да Расеі. Гэта было б магчымым, калі б Расея выконвала сваю частку менскіх дамоўленасьцяў, сказала Хэйлі.
Адказваючы на пытаньне аб меркаваным умяшаньні Масквы ў выбары ў ЗША, Хэйлі заявіла пра «абсалютную ўпэўненасьць» Вашынгтону ў такім умяшаньні. Паводле яе слоў, Кангрэс ЗША расьсьледуе гэтую справу. Хэйлі лічыць неабходным прыкласьці ўсе намаганьні для прадстаўленьня грамадзкасьці фактаў ўмяшаньня Расеі ў выбарчую кампанію ў ЗША.
