Лінкі ўнівэрсальнага доступу

Расея здыме абмежаваньні на пастаўку прадукцыі з шэрагу беларускіх прадпрыемстваў


Беларусь дамовілася з Расеяй пра зьняцьцё абмежаваньняў на пастаўку мясной і малочнай прадукцыі зь дзевяці беларускіх прадпрыемстваў.

Пра гэта пасьля сустрэчы ў Маскве зь беларускім міністрам сельскай гаспадаркі Леанідам Зайцам паведаміў тэлеканалу «Россия 24» міністар сельскай гаспадаркі Расеі Аляксандар Ткачоў.

«Мы сёньня адкрылі два прадпрыемствы па перапрацоўцы мяса, якія будуць пастаўляць у асноўным ялавічыну на расейскі рынак, і сем малаказаводаў, якія будуць пастаўляць на рынак сэртыфікаваную малочную прадукцыю», — сказаў Ткачоў.

Паводле Ткачова, перамовы аб адкрыцьці астатніх беларускіх прадпрыемстваў пройдуць праз 7–10 дзён.

«Беларускі бок пакажа яшчэ раз праведзеную працу, у тым ліку і дакумэнтацыю. Вядома, нас цікавяць перш за ўсё рэшткі антыбіётыкаў, якія былі выяўленыя», — сказаў Ткачоў.

Раней Рассельгаснагляд забараніў пастаўкі ў Расею прадукцыі з шэрагу беларускіх прадпрыемстваў. Міністар Леанід Заяц сказаў, што «Расея перадузята ставіцца да беларускай малочнай прадукцыі».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG