Каля 200 чалавек спрабавалі прарвацца на цэнтральную плошчу Таксім. Улады Стамбула забаранілі масавыя акцыі ў цэнтры гораду, паліцыя ачапіла падыходы да плошчы.
У выніку сутыкненьняў некалькі чалавек пацярпелі, дзесяткі былі затрыманыя. Паліцыя ўжыла сьлезацечны газ.
Паводле інфармацыі агенцтва AFP, пратэстоўцы спрабавалі разгарнуць плякаты з анты-ўрадавымі лёзунгамі. Яны выступалі супраць паправак у канстытуцыю, якія пашыраюць паўнамоцтвы прэзыдэнта Турэччыны Рэджэпа Эрдагана.