Лінкі ўнівэрсальнага доступу

У Баранавічах міліцыя затрымала актывіста з чыстым лістом паперы


Ілюстрацыйнае фота
Ілюстрацыйнае фота

У Баранавічах каля дзесяці актывістаў выйшлі 1 траўня на плошчу Леніна. Людзі плянавалі ўзяць у рукі чыстыя лісты паперы, але потым адмовіліся ад гэтай ідэі, баючыся затрыманьняў. Адзін ўсё ж дастаў чысты ліст і быў затрыманы міліцыяй.

На плошчы ў гэты час дзяжурыла вельмі шмат міліцыянтаў і ў форме, і ў цывільным, перадае Intex-press.

—Мы выйшлі на знак салідарнасьці з працаўнікамі, правы якіх сёньня парушаюцца, а заробак не адпавядае ўзроўню жыцьця, — распавёў Intex-press адзін з удзельнікаў акцыі. — Мы хочам прыцягнуць да гэтых праблем увагу як гараджан, так і ўладаў.

Таксама адным з патрабаваньняў тых, хто прыйшоў, было правядзеньне сумленных і справядлівых выбараў.

— Мы не зьбіраемся нікога зрынаць, проста ў наступны раз просім правесьці галасаваньне і падлік бюлетэняў адкрыта, — патлумачыў адзін з актывістаў.

Людзі, якія сабраліся, не скандавалі ніякіх лёзунгаў. Адзін мужчына ўсё ж дастаў белы ліст паперы і адразу быў затрыманы міліцыяй.

Напярэдадні актывісты плянавалі ўзяць у рукі белыя лісты паперы, якія б сымбалізавалі, што ўсё трэба пачынаць з чыстага аркуша. Аднак у апошні момант яны адмовіліся ад гэтага, пабаяўшыся, што такія дзеяньні будуць успрынятыя міліцыяй як несанкцыянаваны пікет.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG