Лінкі ўнівэрсальнага доступу

Экс-старшыню Бабруйскага гарвыканкаму вінавацяць у хабары памерам больш за 20 тысяч даляраў


Андрэй Каваленка, архіўнае фота

Былому старшыні Бабруйскага гарвыканкаму Андрэю Каваленку прадʼяўлена абвінавачаньне паводле ч.3 артыкула 430 Крымінальнага кодэксу Беларусі «Атрыманьне хабару асобай, якая займае адказную пасаду». Пра гэта паведаміў на прэс-канфэрэнцыі 27 студзеня начальнік Упраўленьня ўнутраных спраў Магілёўскага аблвыканкаму Аляксандар Кавальчук.

Адпаведная крымінальная справа ў дачыненьні да Каваленкі была распачатая летась 14 лістапада. На наступны дзень Каваленку затрымалі супрацоўнікі міліцыі сумесна з КДБ.

Паводле інфармацыі праваахоўных органаў, цягам апошніх двух гадоў чыноўнік атрымаў больш за 20 тысяч даляраў і 25 мільёнаў недэнамінаваных беларускіх рублёў у якасьці хабару за вырашэньне пытаньняў, якія ўваходзілі ў ягоную кампэтэнцыю.

Каваленку пагражае да 15 гадоў зьняволеньня з канфіскацыяй маёмасьці.

Падрабязнасьцяў справы начальнік абласной міліцыі журналістам не паведаміў, спаслаўшыся на тое, што вытворчасьць па крымінальнай справе яшчэ ня скончаная.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG