Лінкі ўнівэрсальнага доступу

У нядзелю праз маразы ў Беларусі аб’яўлены аранжавы ўзровень пагрозы


8 студзеня ў некаторых раёнах краіны тэмпэратура будзе дасягаць −32 °. Праз гэткую сьцюжу абʼявілі аранжавы ўзровень небясьпекі.

Пра гэта паведамляе паведамляе БелаПАН са спасылкай на Рэспубліканскі цэнтар гідрамэтэаралёгіі, кантролю радыяактыўнага забруджваньня і маніторынгу навакольнага асяродзьдзя.

Аранжавы ўзровень небясьпекі абвяшчаецца, калі ўмовы надворʼя ўяўляюць рэальную небясьпеку для людзей.

Паводле сыноптыкаў, 8 студзеня ў Беларусі мінімальная тэмпэратура паветра ўначы будзе мінус 20–27 °С, на поўначы пры праясьненьнях мінус 28–32 °С, на паўднёвым усходзе — мінус 17–19 °С; максымальная днём — мінус 10-17 ° С, на паўночным усходзе да мінус 20 градусаў Цэльсія.

У панядзелак 9 студзеня мінімальная тэмпэратура паветра ўначы будзе дасягаць мінус 13–20 °С, пры праясьненьнях мінус 21–26 °С; максымальная днём — мінус 5–12 °С, на ўсходзе да мінус 15 °С

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG