Ў сувязі з тэрактам у стамбульскім клюбе «Reina» у навагоднюю ноч затрыманыя яшчэ 40 чалавек, — паведамляе турэцкае агенцтва Dogan. Арышты прайшлі ў сераду ў правінцыі Ізьмір. Сярод затрыманых — 20 непаўгадовых (9 хлопчыкаў і 11 дзяўчынак) з Кыргызстану, Дагестану і Сіньцзян-Уйгурскага аўтаномнага раёну Кітая, дзе ў асноўным жывуць уйгуры.
Усіх іх паліцыя лічыць зьвязанымі з тэрарыстычнай групоўкай «Ісламская дзяржава».
Расейскае консульства пакуль не зрабіла заявы аб затрыманьні грамадзянаў РФ.
Раніцай у сераду было вядома аб затрыманьні ў правінцыі Ізьмір яшчэ 27 чалавек, нібыта зьвязаных з нападнікам. Сярод іх — члены трох семʼяў. Яны зьехалі з гораду Ізьмір і пасяліліся ў горадзе Бука два тыдні таму.
Паліцыя таксама паведаміла, што правяла рэйды ў правінцыі Конья, аднак не знайшла падазраваных па ўказаных адрасах. Таксама былі затрыманыя некалькі грамадзянаў Узбэкістану і Кыргызстану.
Паведамляецца, што затрыманыя паходзяць з Кыргызстану, Дагестану і Сіньцзян-Уйгурскага раёну Кітаю.
Яшчэ на гэтую тэму
Самае папулярнае
1
