АФІША
У Менску на пляцоўцы перад Камароўскім рынкам адбудзецца вялікі кааліцыйны пікет. У ім возьмуць удзел Анатоль Лябедзька, Віталь Рымашэўскі, Юрась Губарэвіч і сьпікеры трох структур: АГП, БХД і Руху «За свабоду!». Пачатак у 11:00.
У Верхнім горадзе пройдзе штотыднёвы фэстываль вулічнай культуры «Пешаходка». Пачатак у 12:00.
У Музэі беларускага народнага мастацтва ў Раўбічах пройдуць майстар-клясы па стварэньні лялек-«мотанак», ткацтве паясоў, саломапляценьні і росьпісе яек.
На хутары «Шаблі» (Валожынскі р-н, вёска Малое Запрудзьдзе) пройдзе музычны фэстываль новага этна «Вольнае паветра» з удзелам аўтэнтычных выканаўцаў фальклёру і сучасных музыкаў. Акрамя ўласна музыкі вас чакае катаньне на тролі і турнір па кіданьні каровіных кізякоў. Пачатак у 15:00.
Арганізатар «Вольнага паветра»: Нам «навязваюць» паўтара дзясятка міліцыянтаў. Навошта?
У клюбе «Графіці» — «Бэрта & Баян»: вечар францускага шыку ад сьпявачкі Бэрты пад баян. Пачатак у 19:00.
Як і кожную летнюю суботу а 20.00 на Пляцы Волі — канцэрт з сэрыі «Клясыка каля ратушы з velcom». Сёньня — піяністы-геніі: малады Ўладзіслаў Хандогі і яго дарослы калега Кірыл Кедук, а таксама шоў-канцэрт «Музычная дуэль Павароці і Сінатры» з удзелам саліста Цурыхскай опэры тэнара Паўла Пятрова, барытона Антона Мартынава і MuzzicDom Orchestra.
На Востраве Каханьня на Менскім моры — Open-air фэстываль электроннай музыкі «Космас наш!». Пачатак а 21:00.
У гісторыі
1054 — папскія легаты абвясьцілі адлучэньне ад Царквы канстантынопальскага патрыярха Міхаіла Керуларыя, а ён — легатаў. Гэтая дата лічыцца пачаткам Вялікай схізмы, якая падзяліла адзіную да таго часу хрысьціянскую Царкву на дзьве часткі.
1941 — Нямецкія войскі занялі Смаленск.
1945 — ЗША правялі першае пасьпяховае выпрабаваньне атамнай бомбы на палігоне ў штаце Нью-Мэксыка.
1951 — быў апублікаваны славуты раман «Лавец у жыце» амэрыканскага пісьменьніка Джэрома Сэлінджэра.
1990 — Вярхоўная Рада Ўкраіны прыняла Дэклярацыю аб дзяржаўным сувэрэнітэце.
1990 — Савет Міністраў БССР абвясьціў комплекс помнікаў гісторыі і культуры Полацку Полацкім гісторыка-культурным запаведнікам рэспубліканскага значэньня.
2005 — у Менску пачаўся ІV зьезд беларусаў сьвету.
У гэты дзень нарадзіліся
1863 — Ціхан Кібардзін, беларускі архітэктар. Пад яго кіраўніцтвам у 1890 і 1902 гадах былі распрацаваныя генэральныя пляны забудовы Віцебску.
1872 — Руаль Амундсэн, нарвэскі падарожнік.
1879 — Васіль Рагуля, беларускі грамадзка-палітычны дзяяч.
1908 — Юрка Лявонны, беларускі паэт. Расстраляны савецкімі карнымі органамі ў 1938 годзе.
1968 — Лары Сэнгер, адзін з заснавальнікаў і галоўны рэдактар Вікіпэдыі.
У гэты дзень памерлі
1976 — Ян Станкевіч, беларускі мовазнавец, гісторык, палітычны дзяяч.
1985 — Генрых Бёль, нямецкі пісьменьнік, ляўрэат Нобэлеўскай прэміі па літаратуры.
1989 — Гербэрт фон Караян, аўстрыйскі дырыжор.
1990 — Мікалай Арэхва, дзеяч рэвалюцыйнага руху ў Заходняй Беларусі, беларускі гісторык.
Цытата
Прадбачлівасьць і асьцярожнасьць аднолькава важныя: прадбачлівасьць — каб своечасова заўважыць цяжкасьці, а асьцярожнасьць — каб самым дбайным чынам падрыхтавацца да іх сустрэчы.
Руаль Амундсэн