Радыё Свабода атрымала камэнтар апэратыўніка, які працаваў на месцы здарэньня. Ён распавёў, што кіроўца аўтобусу № 69 выклікаў міліцыю, калі ўбачыў невядомы пакунак сіняга колеру, які адзін з пасажыраў пакінуў на сядзеньні. На месца прыбыла міліцыя і група сапёраў, людзей эвакуявалі.
Высьветлілася, што ў пакунку не было ніякай выбухоўкі — ён быў набіты нейкімі іншымі пакетамі. Яго забралі з сабой на экспэртызу супрацоўнікі міліцыі.
Кіроўца кажа, што ўпершыню за час сваёй працы сутыкнуўся з такім і калі ўбачыў гэты пакунак, то ён адразу падумаў, што гэта выбухоўка.