Як паведамляе карэспандэнт Свабоды, з-за інфармацыі, што ў аўтобусе № 69, які прыпаркаваўся на прыпынку ля ГУМа, можа быць выбухоўка, усіх пасажыраў аўтобусу эвакуявалі на вуліцу, а пасьля гэтага і людзей з першага паверха ГУМу.
Цяпер на месцы працуюць сапёры, выхады і ўваходы з падземнага пераходу перакрытыя АМАПам. Таксама ёсьць супрацоўнікі Міністэрства па надзвычайных сытуацыях.
Рух на праспэкце Незалежнасьці часткова перакрыты.
Людзі напалоханыя, але не разыходзяцца, чакаюць, што будзе далей.