Прэзыдэнт Польшчы Анджэй Дуда заклікаў НАТА разгарнуць «істотную» колькасьць войскаў і тэхнікі ва Ўсходняй Эўропе для абароны Польшчы і рэгіёну ад Расеі, якая робіцца ўсё больш агрэсіўнай.
Наступны саміт НАТА пройдзе ў Варшаве, і Дуда выказаў спадзяваньне, што пытаньне сталай дасьлякацыі вялікіх кантынгентаў войскаў НАТА ў Польшчы будзе разглядацца на саміце лідэрамі альянсу.
Генэральны сакратар НАТА Енс Столтэнбэрг адзначыў, што Польшча ня будзе расчараваная вынікамі саміту.
«Цяпер НАТА мае сталую ваенную прысутнасьць у рэгіёне, часткай якога зьяўляецца і Польшча. І я спадзяюся, што пасьля саміту ў Варшаве мы ўбачым больш НАТА ў Польшчы, чым калі-небудзь раней», — сказаў генэральны сакратар Паўночнаатлянтычнага альянсу.
