Такім чынам, як паведамляе агенцтва Associated Press, прадстаўнік НАТО Оана Лунджэску пракамэнтавала новую расейскую стратэгію нацыянальнай бясьпекі, падпісаную прэзыдэнтам Уладзімірам Пуціным 31 сьнежня.
У абноўленай стратэгіі нацыянальнай бясьпекі Расеі сьцьвярджаецца, што адной з асноўных пагрозаў краіне зьяўляецца пашырэньне НАТО. Акрамя таго ў Крамлі лічаць, што пазыцыя Захаду заключаецца ў «супрацьдзеяньні інтэграцыйным працэсам і стварэньні ачагоў напружанасьці», што нэгатыўна ўплывае на рэалізацыю інтарэсаў Расеі.
Лунгеску ў аўторак назвала гэтыя сьцьвярджэньні неабгрунтаванымі. Усяго ў расейскай стратэгіі нацыянальнай бясьпекі ўзаемаадносінам Расеі з заходнімі краінамі і «абароназдольнасьці дзяржавы» прысьвечаны каля 40 пунктаў — гэта значыць амаль палова дакумэнту.