Лінкі ўнівэрсальнага доступу

Пуцін з горкага шакаляду


Сяргей Астраўцоў

Зь сямідзесяці кіляграмаў шакаляду зрабілі статую Пуціна. Піцерскія кандытары вырашылі падсаладзіць земляку складанае прэзыдэнцкае жыцьцё яго гаркава-салодкай копіяй.

Прэзыдэнта Расеі і сабаку каля ног паказалі на шакаляднай выставе. Хацелася забіць двух зайцоў: паведаміць у кнігу рэкордаў Гінэса і падараваць копію «арыгіналу». Што яму зь ёй рабіць? Ягоная справа. Можа прэмію выпіша аўтарам. Хаця можа, наадварот, не зразумець гумару. Усё будзе залежаць ад настрою, а ён на такой адказнай пасадзе бывае вельмі няроўны. Як паказвае апошні час асабліва. Напрыклад: ці ня прыйдзе на думку прэзыдэнту зрабіць праверку – адкуль семдзесят кг шакаляду на яго самога і яшчэ дзесяць ці пятнаццаць на сабаку? Нават школьніку вядома, што какава не расьце ў Расеі, а значыць прадукт, якім карыстаўся «кандытар-скульптар», можа быць кантрабандным, забароненым для ўвозу на тэрыторыю Расейскай Фэдэрацыі! Прычым забаронены яго прэзыдэнцкім указам.

Аўтар скульптуры, аднак, хацеў спадабацца невысокаму Пуціну тым, што публічна паведаміў аб вышыні статуі — 172 сантымэтры. На сёньняшні дзень гэта — кананічны рост прэзыдэнта Расеі. Хаця ў ранейшых крыніцах можна знайсьці крыху іншыя зьвесткі: Пуцін — 170, Мядзьведзеў — 168. Як вядома, цяперашняе кіраўніцтва Расеі мае сьціплы рост. Аднак пытаньне ў тым, што яшчэ раней называліся зусім іншыя лічбы: Мядзьведзеву давалі 162-164, Пуціну — 168.

Тым больш дзіўна, што на некаторых здымках яны абсалютна аднолькавага росту! Колькі гэта выклікае весялосьці ў расейскім інтэрнэце! І зьедлівасьці таксама, само сабой.

Зрэшты, агульнавядома, што існуюць фірмы, што шыюць абутак для нізкарослых мужчын, які купляюць, у прыватнасьці, палітыкі, публічныя асобы. Але рост чалавеку даецца кожнаму свой, чаго тут камплексаваць? Жарты выклікаюць спробы заблытаць, павялічыць рост кіраўнікоў Расеі.

Пішуць нават, што на сустрэчы з высокім Шварцэнэгерам Мядзьведзеў калісьці зусім не выглядаў нізенькім.

Сёньня сьцьвярджаюць, што крамлёўскае кіраўніцтва заўсёды было нізкарослым. Ленін быццам бы – 164 см, Сталін – 162, Хрушчоў – 165. Дый паплечнікі правадыроў не вылучаліся сярод іх: Калінін і Бухарын усяго па 155, Кіраў, Радэк і Пятакоў яшчэ менш –154. Варашылаў – 157. А наркаму НКВД Яжову ў даведніках даюць толькі 151-152. Праверыць цяпер не праверыш, але агульнавядома, што той быў напраўду зусім нізенькі.

Так што напэўна ня варта камплексаваць Пуціну з Мядзьведзевым – іхні рост для Расеі апошніх ста гадоў – кананічны. І калі задумацца, то й палітыка ў іх усіх была даволі падобнай часамі.

Між іншым, піцерскі кандытар, перш чым вылепіць Пуціна, зрабіў шакаляднага Сталіна.

Глядзець камэнтары (18)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG