Лінкі ўнівэрсальнага доступу

Navi — адзіны беларускамоўны кандыдат на «Эўрабачаньне»


Гурт Navi прадставіў на партале Tuzin.fm песьню «Гэта зямля» — адзіны беларускамоўны трэк, які трапіў у фінал нацыянальнага адбору на «Эўрабачаньне».

Navi быў названы ў ліку 10 фіналістаў, якія прэтэндуюць на тое, каб прадстаўляць Беларусь на міжнародным сьпеўным конкурсе ў наступным годзе.

«Нам проста цікава было паўдзельнічаць і мы, па-шчырасьці, не разьлічвалі на выхад у фінал. Мы не разьлічваем, мы проста сьпяваем», — сказаў вакаліст дуэту Арцём Лук’яненка.

У фінал таксама трапілі Аляксандар Іваноў, Аляксей Грос, Наста Малашкевіч, Кірыл Ермакоў, Валерыя Садоўская, Саша Захарык, гурты «Радиоволна», The Em і Napoli.

Пераможцу маюць вызначыць гледачы праз тэлефоннае ды CМС-галасаваньне падчас трансьляцыі фінальнага канцэрту, які адбудзецца не пазьней за 25 студзеня 2016 году.

Сам міжнародны конкурс адбудзецца ў траўні 2016 году ў Швэцыі. Беларускамоўную песьню «Гэта зямля» гурт Navi адмыслова падрыхтаваў для адбору на «Эўрабачаньне».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG