Лінкі ўнівэрсальнага доступу

Масква гатовая разгледзець просьбу Багдада аб апэрацыі ў Іраку — МЗС Расеі


Дым пасьля ўдару заходняй авіяцыі па пазыцыях «Ісламскай дзяржавы» непадалёк ад гораду Кіркук у Іраку

Масква ацэніць палітычную і ваенную мэтазгоднасьць правядзеньня ваенна-паветранай апэрацыі супраць «Ісламскай дзяржавы» ў Іраку, калі паступіць адпаведны зварот ад Багдаду, заявіў дырэктар дэпартамэнту па пытаньнях новых выклікаў і пагрозаў МЗС Расеі Ільля Рагачоў. Пра гэта паведамляе расейскае інфармацыйнае агенцтва «Новости».

«Альбо ў нас будзе адпаведны зварот ад ураду Іраку, або рэзалюцыя Рады бясьпекі, прыняцьце якой у вырашальнай ступені залежыць ад волевыяўленьня ўрада Іраку. Пры наяўнасьці такіх дастатковых падставаў будуць ацэньвацца і палітычная, і ваенная мэтазгоднасьць», — сказаў расейскі дыплямат, адказваючы на пытаньне, ці разгледзіць Масква магчымасьць правядзеньня апэрацыі Ваенна-паветраных сілаў супраць «Ісламскай дзяржавы» на тэрыторыі Іраку пры атрыманьні адпаведнай просьбы ад урада гэтай краіны.

Апэрацыю ў Сырыі з выкарыстаньнем ваенна-паветраных сілаў Расея, якая лічыцца адным з асноўных саюзьнікаў сырыйскага прэзыдэнта Башара Асада, пачала 30 верасьня. Прэс-сакратар расейскага прэзыдэнта Дзьмітрый Пяскоў ў чацьвер падкрэсьліў, што Масква аказвае падтрымку сырыйскай арміі ў барацьбе супраць тэрарыстычнай арганізацыі «Ісламская дзяржава» і іншых экстрэмісцкіх груп.

Прадстаўнік Мінабароны Расеі Ігар Канашэнкаў заявіў у чацьвер, што ў склад авіяцыйнай групы Паветрана-касьмічных сіл Расеі, якая наносіць ўдары па аб’ектах у Сырыі, увайшлі больш за 50 самалётаў і верталётаў. Па словах Канашэнкава, за першыя суткі расейская авіяцыя нанесла кропкавыя ўдары па 12 аб’ектах групоўкі «Ісламская дзяржава».

У ЗША выказваюць асьцярогі, што расейская авіяцыя наносіць, перш за ўсё, ўдары па мэтах, зьвязаных зь іншымі праціўнікамі ўраду Асада.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG