Лінкі ўнівэрсальнага доступу

Расейскія мытнікі хочуць прыраўняць заходнія харчы да выбухоўкі


Фэдэральная мытная служба прапанавала ўвесьці крымінальную адказнасьць за незаконны ўвоз у Расею санкцыйных прадуктаў.

Адпаведны законапраект апублікавалі на фэдэральным партале нарматыўных актаў 20 жніўня.

Расейскія мытнікі хочуць далучыць імпартныя харчовыя тавары да сьпісу стратэгічна важных і караць за іх увоз паводле крымінальнага артыкулу аб кантрабандзе. Паводле гэтага артыкулу парушальнікам пагражае да 12 гадоў зьняволеньня і штраф да мільёна расейскіх рублёў (прыблізна 15 тысяч даляраў), калі злачынства зробленае арганізаванай групай.

Раней такое пакараньне можна было атрымаць, напрыклад, за кантрабанду радыёактыўных матэрыялаў, зброі і выбухоўкі.

Да 3 верасьня законапраект мае прайсьці грамадзкае абмеркаваньне і можа ўступіць у дзеяньне ў сакавіку 2016 году.

Расея ўвяла забарону на пастаўкі мяса, рыбы, малочнай прадукцыі, гародніны і садавіны з краінаў Эўразьвязу, з Канады, Аўстраліі, ЗША і Нарвэгіі ў жніўні мінулага году. Праз год пасьля ўвядзеньня санкцыяў прэзыдэнт РФ Уладзімір Пуцін падпісаў указ аб зьнішчэньні прадуктаў, забароненых да ўвозу.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG