Лінкі ўнівэрсальнага доступу

Аўтары фільма «Крым, як гэта было»: Хочам здымаць герояў, я ня здраднікаў


Дакумэнталісты групы «Бабілён 13» прэзэнтавалі ў Кіеве анонс будучага паўнамэтражнага фільма «Крым, як гэта было». Фільм зьбірае гісторыі вайскоўцаў, якія адышлі з паўвострава пасьля анэксіі і працягнулі служыць у мацерыковай Украіне. Гэта сумесны праект кінэматаграфістаў і Ўкраінскага крызыснага мэдыяцэнтра.

«Спачатку мы хацелі выбраць больш агульную тэму, але калі пачалі сустракацца з вайскоўцамі, зразумелі, што здымаць трэба менавіта пра іх. Таму што гэта людзі, якія прынялі прысягу і павінны паводзіць сябе адпаведна», — адзначае рэжысёр «Бабілёну 13» Канстанцін Кляцкін.


Тых, хто застаўся ў Крыме, у фільме ня будзе.


«Мы не плянавалі паказваць людзей, якія, прыняўшы прысягу, здрадзілі потым краіне і народу. Аднак некаторыя героі ўспамінаюць пра іх. Адзін з курсантаў, якога мы здымалі, кажа, што не разумее, як можна проста зьмяніць форму і пайсьці ваяваць у іншую краіну. Мы паказваем стаўленьне нашых пэрсанажаў да тых, хто застаўся ў анэксаваным Крыме», — дадае прадстаўнік Украінскага крызыснага мэдыяцэнтра Сяргей Малярчук.


Здымачная група ўжо пабывала ў Адэсе, Хэрсоне, Мікалаеве, зьбіраецца паехаць у Марыюпаль, Чангар і на лінію фронту. Адкрыты рахунак для дабрачынных ахвяраваньняў на фільм. Акрамя таго, аўтары фільма «Крым, як гэта было» просяць дасылаць ім архіўныя відэаматэрыялы, якія тычацца анэксіі.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG