Лінкі ўнівэрсальнага доступу

У Сэрбіі забаранілі любыя сходы і акцыі да гадавіны масавых забойстваў у Срэбраніцы


Сэрбская паліцыя забараніла ўсе публічныя сходы ў сталіцы краіны Бялградзе ў дваццатую гадавіну масавых забойстваў у Срэбраніцы.

«Папярэджваю ўсіх, хто плянуе праводзіць такія акцыі, што паліцыя не дазволіць іх», — сказаў міністар унутраных справаў Сэрбіі Нэбайша Стэфанавіч.

У паліцыі патлумачылі забарону меркаваньнямі бясьпекі.

Абмежаваньне тычыцца як акцый памяці ахвяр, так і сходаў ультранацыяналістаў, якія пагражалі сарваць жалобныя мерапрыемствы.

Ініцыятыва-7000, сэрбская няўрадавая арганізацыя пад кіраўніцтвам актывіста Душана Масіча плянавала 11 ліпеня ў Бялградзе акцыю, падчас якой каля сямі тысяч чалавек мелі легчы на тратуар каля парлямэнту.

Паводле арганізатараў, такім чынам яны хацелі ўшанаваць памяць больш чым васьмі тысячаў мусульманскіх мужчын і юнакоў, якія загінулі ад рук арміі басьнійскіх сэрбаў у суседняй Босьніі і Герцагавіне падчас разьні 1995 году.

Некаторыя сэрбскія ультранацыяналістычныя арганізацыі, якія адмаўляюць генацыд, заяўлялі пра намер перашкодзіць гэтай акцыі.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG