Француская пракуратура на падставе зьвестак бартавых самапісцаў сьцьвярджае, што другі пілёт Андрэас Любіц забарыкадаваўся ў кабіне самалёта, калі камандзір экіпажу пакінуў яе.
Нямецкія і францускія афіцыйныя асобы заявілі, што ня бачаць ніякіх прыкметаў, што Любіц мог быць тэрарыстам, але не прапанавалі вэрсіі, якая магла б растлумачыць яго дзеяньні.
Суседзі пілёта ў яго родным нямецкім горадзе Монтабаур апісваюць Андрэаса Любіца як ветлівага маладога чалавека.
Празь некалькі гадзінаў пасьля гэтых паведамленьняў францускай пракуратуры некалькі авіякампаніяў сьвету абвясьцілі аб зьмене правілаў палётаў. З гэтага часу яны будуць патрабаваць, каб другі сябар экіпажу ўвесь час заставаўся ў кабіне. Такія нормы ўжо зьяўляюцца абавязковымі ў ЗША, але да гэтага часу гэтага не патрабавалі эўрапейскія правілы.