Лінкі ўнівэрсальнага доступу

Ужо сёньня, 3 сакавіка: У Маскве пахаваньне Нямцова і сустрэча Лукашэнкі ды Пуціна; у Менску аўкцыён у падтрымку кнігарні «логвінаЎ»


"Чырвоны касьцёл". Менск праз аб'ектыў GoPro. аўтар: Дзяніс Пучко
"Чырвоны касьцёл". Менск праз аб'ектыў GoPro. аўтар: Дзяніс Пучко

Падзеі і даты новага дня.

Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:

Сусьветны дзень пісьменьніка.

У Маскве пройдзе пасяджэньне Вышэйшага дзяржсавета «саюзнай дзяржавы Беларусі і Расеі» з удзелам Аляксандра Лукашэнкі і Ўладзімера Пуціна

На Траякураўскіх могілках у Маскве адбудзецца пахаваньне Барыса Нямцова.

2 сакавіка людзі працягвалі прыносіць кветкі да месца забойства Барыса Нямцова ў Маскве.
2 сакавіка людзі працягвалі прыносіць кветкі да месца забойства Барыса Нямцова ў Маскве.

У Менску пройдуць дыпляматычныя кансультацыі паміж намесьніцай міністра замежных спраў Беларусі Аленай Купчыной і намесьнікам міністра замежных спраў Італіі Бэнэдэта Дэла Вэдова.

У кнігарні «логвінаЎ» (пр. Незалежнасьці, 37а) пройдзе мастацкі онлайн-аўкцыён у падтрымку кнігарні "Логвінаў" з удзелам пісьменьніка Віктара Марціновіча.

У гісторыі:

1067 – адбылася бітва на рацэ Нямізе паміж войскам Усяслава Чарадзея і злучанымі дружынамі князёў Кіеўскай Pyci. Дзякуючы той бітве ў летапісах упершыню згадваецца Менеск (Менск).

1837 - ЗША прызналі незалежнасьць рэспублікі Тэхас.

1845 - Флорыда ўвайшла ў склад ЗША

1861 – у Расейскай імпэрыі скасаваны прыгон: Аляксандар II выдаў маніфэст аб вызваленьні сялянаў.

1878 - Паміж Расейскай і Асманскай імпэрыямі быў падпісаны Сан-Стэфанскі мір.

1918 – падпісаны Берасьцейскі мір паміж Расеяй і Нямеччынай. Беларускія дзеячы пратэставалі супраць фактычнага падзелу тэрыторыі Беларусі. Паводле ўмоваў міру Расея адмаўлялася ад часткі тэрыторыі Беларусі па лініі Дзьвінск – Сьвянцяны – Ліда – Пружаны – Берасьце.

1933 – у Патсдаме канцлер Нямеччыны Адольф Гітлер абвясьціў пра ўтварэньне «Трэцяга райху».

1991 – на рэфэрэндуме ў Латвіі 74% жыхарства прагаласавалі за незалежнасьць ад СССР, у Эстоніі – 83%.

У гэты дзень нарадзіліся:

1843 – Аляксандар Грэм Бэл, амэрыканскі навуковец, вынаходнiк тэлефона.

1899 – Юры Алеша, савецкі пісьменьнік, які паходзіў са зьбяднелай беларускай шляхты.

1935 - Жэлю Жэлеў, першы прэзыдэнт посткамуністычнай Баўгарыі

1942 – Уладзімер Кавалёнак, беларускі касманаўт.

1953 - Валер Масьлюк, беларускі рэжысёр

У гэты дзень памерлі:

1767 – Ян Глаўбіц, клясык беларускай архітэктуры.

1900 – Валенці Швыкоўскі, маршалак пружанскі, удзельнік паўстаньня 1863 году, мэцэнат.

1944 – Францішак Аляхновіч, беларускі пісьменьнік.

1953 – Мікола Равенскі, беларускі кампазытар.

Цытата:

Калі адны дзьверы зачыняюцца, адчыняюцца іншыя. А мы часта з такой прагнай увагай глядзім на дзьверы, якія зачыняюцца, што зусім не заўважаем тыя, якія адчыняюцца.

Аляксандар Грэм Бэл

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG