Дзьве жанчыны спрачаліся пра вайну. Адна падтрымала верш украінскай паэткі, дзе тая просіць прабачэньня ў рускіх. Другая асудзіла. Першая казала, што толькі праз дараваньне можна спыніць вайну. Другая адказвала, што няма чаго выбачацца перад агрэсарам.
Я быў на баку другой, якая на баку ўкраінцаў.
Вайна – калі ты на баку. Вайна насамрэч – у табе, калі ты ангажаваны.
Першая жанчына была проста жанчына, не на баку, бо ўсе церпяць ад вайны, а ў той жанчыне вайны не было.
І тады я паспрабаваў сысьці з «пазыцыі», з «боку», і адчуў, як вайна сыходзіць зь мяне. Вайна сканчаецца тады, калі яна сканчаецца ў нас.
Уладзімер Бухлей
***
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org. Аўтарства чытацкіх допісаў пазначым, ганарараў плаціць ня будзем.
