Прэзыдэнт ЗША Барак Абама заявіў, што прэзыдэнт Расеі Ўладзімір Пуцін наўрад ці зьменіць сваё курс, пакуль расейская палітыка не адчуе страты, якія прыносяць санкцыі для расійскай эканомікі.
Выступаючы 3 сьнежня на сустрэчы ў Вашынгтоне з больш чым 100 топ-мэнэджарамі, Абама сказаў, што дзеяньні Пуціна «палохаць» суседзяў Расеі, і што Расея цалкам ізаляваная на міжнароднай арэне.
Але, паводле амэрыканскага прэзыдэнта, праблемай зьяўляецца тое, што дзеяньні Пуціна, такія як анэксія Крыму, зьяўляюцца палітычна папулярнымі ў Расеі.
Абама распавёў, што ў яго былі «вельмі прадуктыўныя» адносіны зб цяперашнім прэм’ер-міністрам Расеі Дзьмітрыем Мядзьведзевым, калі той займаў пасаду прэзыдэнта з 2008 па 2012 год, хоць Пуцін быў тады «шэрым кардыналам».
