У прэсавай службе Пятра Парашэнкі зазначылі, што запрашэньне пераможцу прэзыдэнцкіх выбараў ва Ўкраіне прагучала падчас тэлефоннай размовы:
«Прэзыдэнт Францыі выказаў сваю падтрымку ў пасьпяховым правядзеньні нацыянальнага дыялёгу і рэалізацыі рэформаў ва Ўкраіне», — цытуе «Інтэрфакс» прэсавую службу.
Там таксама сказалі, што прэзыдэнт Францыі накіраваў прывітаньне Пятру Парашэнку: «Як адзначыла місія назіральнікаў АБСЭ за выбарамі ва Ўкраіне, на выбарах была высокая яўка і галасаваньне прайшло згодна з міжнародным стандартам, нягледзячы на ўсе цяжкасьці, якія існуюць ва ўсходняй частцы краіны».
Прэзыдэнт Францыі Франсуа Алянд запрасіў Пятра Парашэнку на сьвяткаваньне 6 чэрвеня 70-годзьдзя з дня высадкі саюзьнікаў у Нармандыі.
Паведамляецца, што на ўрачыстасьці плянуе прыбыць і прэзыдэнт Расеі Ўладзімір Пуцін. Гэта будзе першая сустрэча Пуціна з заходнімі лідэрамі пасьля абвастрэньня канфлікту ва Ўкраіне і расейскай акупацыі Крыма, якую не прызнае законнай ні Ўкраіна, ні Захад.
Чакаецца, што Пуцін у Францыі можа пабачыцца і з Пятром Парашэнкам.
Заходнія лідэры пазьбягаюць двухбаковых сустрэч з Пуціным на ўрачыстасьцях у Нармандыі, за выключэньнем гаспадара ўрачыстасьці прэзыдэнта Францыі. Прадстаўнікі пратаколаў заходніх краін шукаюць магчымасьці, каб іх лідэры не стаялі побач і не фатаграфаваліся разам Пуціным пад час гэтых урачыстасьцяў.
Пятро Парашэнка афіцыйна стане прэзыдэнтам Украіны пасьля абвяшчэньня вынікаў выбараў і інаўгурацыі.
Высадка ў Нармандыі 6 чэрвеня 1944 года — ваенная апэрацыя саюзьнікаў, якая дала старт Заходняму фронту ў Другой усясьветнай вайне.
«Прэзыдэнт Францыі выказаў сваю падтрымку ў пасьпяховым правядзеньні нацыянальнага дыялёгу і рэалізацыі рэформаў ва Ўкраіне», — цытуе «Інтэрфакс» прэсавую службу.
Там таксама сказалі, што прэзыдэнт Францыі накіраваў прывітаньне Пятру Парашэнку: «Як адзначыла місія назіральнікаў АБСЭ за выбарамі ва Ўкраіне, на выбарах была высокая яўка і галасаваньне прайшло згодна з міжнародным стандартам, нягледзячы на ўсе цяжкасьці, якія існуюць ва ўсходняй частцы краіны».
Прэзыдэнт Францыі Франсуа Алянд запрасіў Пятра Парашэнку на сьвяткаваньне 6 чэрвеня 70-годзьдзя з дня высадкі саюзьнікаў у Нармандыі.
Паведамляецца, што на ўрачыстасьці плянуе прыбыць і прэзыдэнт Расеі Ўладзімір Пуцін. Гэта будзе першая сустрэча Пуціна з заходнімі лідэрамі пасьля абвастрэньня канфлікту ва Ўкраіне і расейскай акупацыі Крыма, якую не прызнае законнай ні Ўкраіна, ні Захад.
Чакаецца, што Пуцін у Францыі можа пабачыцца і з Пятром Парашэнкам.
Заходнія лідэры пазьбягаюць двухбаковых сустрэч з Пуціным на ўрачыстасьцях у Нармандыі, за выключэньнем гаспадара ўрачыстасьці прэзыдэнта Францыі. Прадстаўнікі пратаколаў заходніх краін шукаюць магчымасьці, каб іх лідэры не стаялі побач і не фатаграфаваліся разам Пуціным пад час гэтых урачыстасьцяў.
Пятро Парашэнка афіцыйна стане прэзыдэнтам Украіны пасьля абвяшчэньня вынікаў выбараў і інаўгурацыі.
Высадка ў Нармандыі 6 чэрвеня 1944 года — ваенная апэрацыя саюзьнікаў, якая дала старт Заходняму фронту ў Другой усясьветнай вайне.