Лінкі ўнівэрсальнага доступу

Абама павіншаваў Парашэнку зь перамогай на выбарах


Барак Абама
Барак Абама

Прэзыдэнт ЗША Барак Абама павіншаваў лідэра прэзыдэнцкай гонкі ва Ўкраіне Пятра Парашэнку зь перамогай на выбарах.

Як паведамляе прэс-служба Пятра Парашэнкі, прэзыдэнт ЗША павіншаваў яго па тэлефоне і ў размове адзначыў, што ЗША будуць разам з народам Украіны забясьпечваць стабільнасьць міру і рэформаў. Парашэнка падзякаваў Бараку Абаму за віншаваньне і падтрымку ўкраінцаў, якая была прадэманстравана за апошнія месяцы.

Таксама Парашэнка адзначыў, што сваю падтрымку на прэзыдэнцкіх выбарах ва ўсіх рэгіёнах Украіны ён разглядае як падмурак для аб’яднаньня краіны.

У прэс-службе Парашэнкі заявілі, што бакі дамовіліся сустрэцца ў бліжэйшы час.

На дадзены момант Пятро Парашэнка лідзіруе на выбарах з вынікам у 54,51% (9.524.000 выбарцаў). ЦВК ужо апрацавала 96,5% пратаколаў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG