Разьвітаньне з Генадзем Грушавым

Вянок памяці. Генадзь Грушавы

Ірына Грушавая: Генадзь усё расьпісаў, дзе і што павінна адбыцца

Генадзь Грушавы сярод арганізатараў 1-га Чарнобыльскага шляху (фота)

Генадзя Грушавога пахаваюць у пятніцу

Запавет Грушавога

Зянон Пазьняк: Памяці Генадзя Грушавога

Навумчык: Грушавы прабіваў сьцяну маўчаньня пра Чарнобыль

Аляксандар Лукашук: «Грушавы замяняў адначасна міністэрства здароўя, міністэрства замежных справаў і чарнобыльскі камітэт»

Лявон Дзейка: «Грушав​ы думаў пра будучыню нацыі»

Уладзімер Глод: «Калі б яшчэ Грушавому не перашкаджалі, ён зрабіў бы нашмат болей»

Грушавы: Грамадзтва надламанае турэмнымі парадкамі (відэа Белсат)

....

Разьвітаньне пачалося

Каля труны Генадзя Грушавага знаходзіцца ягоная сям’я: жонка і дзеці. Стаіць кошык з бел-чырвона-белымі ружамі і гвазьдзікамі.

Сярод першых дзесяткаў тых, хто жадае разьвітацца, генэрал Валер Фралоў.

У рытуальнай залі разьвешаныя карціны мастака Сяргея Лапшы, якія абраў сам Генадзь Грушавы.

Паводле запавету, Генадзя Грушавога крэміруюць, а ўрну з прахам падхаваюць да магілы бацькі ў панядзелак на Паўночных могілках.

Сярод тых, хто ўжо прыйшоў разьвітацца з Генадзем Грушавым, генэрал Валер Фралоў, лідэр АГП Анатоль Лябедзька, супрацоўнікі фонду «Дзецям Чарнобыля».

Разьвітацца з Генадзем Грушавым з Бэрліна прыляцелі прыехала нявестка Марыя з маленькай унучкай Соф’яй. Сын Максім і дачка Ірына прыехалі раней.

Людзі падыходзяць і сыходзяць. Разьвітацца з Генадзем Грушавым прыйшлі былыя калегі па Вярхоўным Савеце Лявон Башчэўскі, Валер Шчукін, журналісты Аляксандр Старыкевіч і Аляксей Кароль, палітыкі Вінцук Вячорка, Вацлаў Арэшка, былы палітвязень Мікіта Ліхавід, праваабаронца Андрэй Бандарэнка, Яўген Агурцоў, супрацоўнікі фонду Дзеці Чарнобыля.

Ад уладаў няма ні вянка, ні кагосьці з прадстаўнікоў.

Пачаўся жалобны мітынг

Яго адкрыў Яўген Агурцоў, ён згадвае «Чарнобыльскі шлях» і працу Генадзя Грушавога ў фондзе «Дзеці Чарнобылю». Яўген Агурцоў кажа, што Грушавы «гарэў» працай, накіраваў сотні тысяч дзетак на аздараўленьне. Езьдзіў у «чарнобыльскія» раёны, назапашваў у сабе радыяцыю.

Яўген Агурцоў: «Я сустракаўся з Генадзем у суботу. Ён не зьбіраўся паміраць. Гэта быў чалавек-стрыжань».

Выступіла жанчына, якае жыве ў Чарнобыльскай зоне:

«Ён не баяўся да прыяжджаць, у Чарнобыльскую зону, ён быў чалавекам-паходняй і згарэў, як паходня».

«Ён выратаваў маю Леначку»

Маці адной з дзяўчынак стала перад труной на калені: «Ён выратаваў маю Леначку».

Людзі схіляюцца перад Грушавым і становяцца на калені

Яшчэ адна жанчына дзякуе Генадзю Грушавому за выратаваньне сына. Яна кажа, што сам Генадзь з сынам Максімам прыходзілі яго забаўляць падчас хваробы. Яна стала на калені і пакланілася.

Супрацоўніца Фонду «Дзецям Чарнобыля» распавядае, што ў Генадзя Грушавога было шмат ідэяў. Цяпер працуе ягоны ўнікальны праект, які дапамагае дзецям, хворым на цукровы дыябэт.

Грушавы арганізаваў першы зьезд БНФ і першы Чарнобыльскі шлях

Выступае палітык Вінцук Вячорка:

«У Генадзя была ўнікальная здольнасьць зьяўляцца там, дзе трэба. Першы зьезд БНФ у Вільні арганізаваў Грушавы. Менавіта ён склаў плян. За такім выдатным арганізатарам мы адчувалі сябе, як за каменнай сьцяной. Грушавы арганізаваў і першы Чарнобыльскі шлях. Ён ніколі не забываўся пра каштоўнасьці свабоды і незалежнасьці».

Ён мог бы зьдзейсьніцца на высокай дзяржаўнай пасадзе. Але служыў народу".

Пачалося адпяваньне

Генадзя Грушавога адпявае праваслаўны сьвятар Ігар Карастылёў.

Айцец Ігар кажа кранальныя словы пра свайго сябра Генадзя Грушавога, які заклаў сад каля храму.

Малітва скончылася нізкім паклонам сьвятара Айцец Ігар сказаў, што шчасьлівы, што ведаў Грушавога.

Разьвітаньне скончылася

Труну з целам Генадзя Грушавога вынесьлі ў катафалк, людзі нясуць мора кветак, паведамляе з месца падзеі карэспандэнтка Свабоды Іна Студзінская.