Пасяджэньне савету міністраў саюзнай дзяржавы, хутчэй за ўсё, будзе перанесена на кастрычнік, перадае агенцтва БелаПАН.
Раней плянавалася, што пасяджэньне саюзнага ўраду пройдзе ў Маскве 17 верасьня. У яго парадку дня — пытаньне аб узгадненьні нафтавага балянсу Беларусі і Расеі да канца 2013 году.
«Паколькі афіцыйнай рассылкі запрашэньняў, матэрыялаў да пасяджэньня яшчэ не было, мабыць, пасяджэньне саюзнага саўміну адбудзецца з тэхнічных прычын крыху пазьней», — сказаў суразмоўца агенцтва. Паводле ягоных зьвестак, пасяджэньне можа прайсьці ў першай палове кастрычніка.
Раней паведамлялася, што бліжэйшая сустрэча прэм’ер-міністраў Беларусі і Расеі Міхаіла Мясьніковіча і Дзьмітрыя Мядзьведзева можа адбыцца ў канцы верасьня ў Казахстане на пасяджэньні Вышэйшай эўразійскай рады.
Перамовы наконт нафтавага балянсу ў Маскве 5 верасьня праводзіў віцэ-прэм’ер ураду Беларусі Ўладзімер Сямашка. Ён сустракаўся з сваім расейскім калегам Аркадзем Дварковічам, але выніку не дасягнуў.
Віцэ-прэм’ер Дварковіч тады заявіў, што расейскае кіраўніцтва працягвае лічыць непрымальнай сытуацыю з арыштам гендырэктара ААТ «Уралкалій» Уладзіслава Баўмгертнэра, які быў затрыманы 26 жніўня ў Менску пасьля перамоваў з прэм’ер-міністрам Беларусі Міхаілам Мясьніковічам.
Дварковіч адзначыў, што ўзаемадзеяньне па ўсіх пытаньнях, якія абмяркоўваліся на перамовах, будзе залежаць ад разьвіцьця сытуацыі ў цэлым.
Раней плянавалася, што пасяджэньне саюзнага ўраду пройдзе ў Маскве 17 верасьня. У яго парадку дня — пытаньне аб узгадненьні нафтавага балянсу Беларусі і Расеі да канца 2013 году.
«Паколькі афіцыйнай рассылкі запрашэньняў, матэрыялаў да пасяджэньня яшчэ не было, мабыць, пасяджэньне саюзнага саўміну адбудзецца з тэхнічных прычын крыху пазьней», — сказаў суразмоўца агенцтва. Паводле ягоных зьвестак, пасяджэньне можа прайсьці ў першай палове кастрычніка.
Раней паведамлялася, што бліжэйшая сустрэча прэм’ер-міністраў Беларусі і Расеі Міхаіла Мясьніковіча і Дзьмітрыя Мядзьведзева можа адбыцца ў канцы верасьня ў Казахстане на пасяджэньні Вышэйшай эўразійскай рады.
Перамовы наконт нафтавага балянсу ў Маскве 5 верасьня праводзіў віцэ-прэм’ер ураду Беларусі Ўладзімер Сямашка. Ён сустракаўся з сваім расейскім калегам Аркадзем Дварковічам, але выніку не дасягнуў.
Віцэ-прэм’ер Дварковіч тады заявіў, што расейскае кіраўніцтва працягвае лічыць непрымальнай сытуацыю з арыштам гендырэктара ААТ «Уралкалій» Уладзіслава Баўмгертнэра, які быў затрыманы 26 жніўня ў Менску пасьля перамоваў з прэм’ер-міністрам Беларусі Міхаілам Мясьніковічам.
Дварковіч адзначыў, што ўзаемадзеяньне па ўсіх пытаньнях, якія абмяркоўваліся на перамовах, будзе залежаць ад разьвіцьця сытуацыі ў цэлым.