Лінкі ўнівэрсальнага доступу

Гендырэктар КАМАЗа лічыць за лепшае ня езьдзіць у Беларусь


Сяргей Кагогін
Сытуацыя вакол «Уралкалія» стала яшчэ адной перашкодай на шляху да аб’яднаньня «КАМАЗа» і «МАЗа», перамовы пра які вядуцца ўжо не адзін год і пакуль не прывялі да канкрэтных вынікаў.

«Я нават ня ведаю, што адказаць на гэтае пытаньне пасьля апошніх падзеяў, зьвязаных з затрыманьнем кіраўніка кампаніі „Ўралкалій“ Уладзіслава Баўмгертнэра. Я ў Беларусь ня ежджу» , — сказаў Інтэрфаксу гендырэктар «КАМАЗа» Сяргей Кагогін.

Старшыня Дзяржкамітэту маёмасьці Беларусі Георгі Кузьняцоў у лютым паведамляў, што беларускі і расейскі бакі прынцыпова ўзгаднілі ўмовы аб’яднаньня «КАМАЗа» і «МАЗа» ў холдынг «Росбелавто». Беларусь, паводле ягонай інфармацыі, унясе ў холдынг 75% акцыяў «МАЗа» і будзе мець 50% акцыяў у «Росбелавто» .

Затым кіраўнік Беларусі Аляксандар Лукашэнка заявіў, што сумняваецца ў мэтазгоднасьці зьліцьця прадпрыемстваў, прапанаваўшы спыніцца на варыянце стварэньня адзінай кіраўнічай кампаніі.

Пазьней кіраўнік Мінпрамгандлю Расеі Дзяніс Мантураў заявіў, што сыстэма кіраваньня холдынгам «Росбелавто», які стане кіраўнічай кампаніяй «КАМАЗа» і «МАЗа», будзе вызначана да сярэдзіны красавіка. Аднак пазьней ён прызнаў , што кампраміс паміж бакамі не дасягнуты. Пры гэтым Расея лічыць варыянт стварэньня кіраўнічай кампаніі без абмену актывамі беспэрспэктыўным.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG