Лінкі ўнівэрсальнага доступу

Узмацняецца адказнасьць за парушэньне карантыну па сьвіной чуме


У Беларусі прынятыя дадатковыя захады супраць афрыканскай чумы сьвіней і іншых хваробаў жывёл.

Згодна з пастановай Савету міністраў ад 29 жніўня ў Крымінальны кодэкс і КаАП будуць унесены зьмены, якія ўзмоцняць адказнасьць за неапавяшчэньне пра падзеж і захворваньні жывёл, за вытворчасьць, продаж або выкарыстаньне недабраякасных кармоў і кармавых дабавак, парушэньне карантынных правілаў і абмежаваньняў, а таксама іншых вэтэрынарных правілаў.

У населеных пунктах, у якіх зарэгістраваная АЧС, забаронена ўтрыманьне сьвіней на асабістых падворках грамадзян, а таксама на падворках работнікаў жывёлагадоўчых аб’ектаў.

Гэтая забарона працягнецца ня менш за 6 месяцаў пасьля забою ўсіх сьвіней і правядзеньня комплексу вэтэрынарна-санітарных мерапрыемстваў.

Забаронена рэалізацыя жывых сьвіней (акрамя маладняку) са сьвінагадоўчых комплексаў. Іх можна толькі здаваць мясаперапрацоўчым арганізацыям.

Забаронена рэалізацыя без узгадненьня зь дзяржаўнай вэтслужбай сьвініны і прадуктаў зь яе, а таксама кармоў. Гэта могуць рабіць толькі мясаперапрацоўчыя прадпрыемствы. Нельга імпартаваць гэтую прадукцыю з краін, у якіх адзначана АЧС. Забаронены неарганізаваны гандаль сьвінінай.

Міністэрству па надзвычайных сытуацыях загадана набыць абсталяваньне для дэзынфэкцыі.

Адпаведным інстанцыям даручана распрацаваць шэраг іншых нарматыўных дакумэнтаў, паведамляе БЕЛТА.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG