Лінкі ўнівэрсальнага доступу

«Не дапамагайце Лукашэнку ператварыць хакей у палітычны спэктакаль»


Міжнародная фэдэрацыя хакею рызыкуе легітымізаваць парушэньні правоў чалавека ў Беларусі.

Такім чынам міжнародная праваабарончая кампанія «Не гуляйце з дыктатарам!» пракамэнтавала пацьверджаньне Міжнароднай фэдэрацыяй хакею на кангрэсе ў Стакгольме 16-19 траўня свайго ранейшага рашэньня правесьці хакейны чэмпіянат сьвету ў 2014 годзе ў Менску.

«Беларусьсю кіруе прэзыдэнт Аляксандар Лукашэнка, у турмах якога цяпер знаходзяцца ня менш за 11 палітычных зьняволеных. Сярод іх — намінант на Нобэлеўскую прэмію міру, абаронца правоў чалавека Алесь Бяляцкі, і прадстаўнікі палітычнай апазыцыі. У Беларусі выбары фальсыфікуюцца, свабодныя СМІ душацца, а моладзь перасьледуюць за выказваньне сваіх меркаваньняў. Чэмпіянат сьвету па хакеі дасьць Аляксандру Лукашэнку вельмі добрую нагоду паказаць сябе і свой рэжым у станоўчым сьвятле. На жаль, сваім рашэньнем Міжнародная фэдэрацыя хакею дапамагае беларускаму рэжыму выкарыстаць чэмпіянат ў палітычных мэтах, што пярэчыць шматразова заяўленаму фэдэрацыяй імкненьню не дазваляць буйным спартовым мерапрыемствам ператварацца ў палітычныя спэктаклі,» — напісала ў сваёй заяве кампанія «Не гуляйце з дыктатарам!».

У кампанію «Не гуляйце з дыктатарам!» уваходзяць праваабарончыя арганізацыі: «Libereco — Partnership for Human Rights» (Нямеччына), «Östgruppen» (Швэцыя), «Norwegian Helsinki Committee» (Нарвэгія), «People in Need» (Чэхія), «Human Rights in Belarus» (Нямеччына), «Civic Belarus» (Чэхія).
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG