Па дадзеных сыстэмы мікраблогаў Twitter, за 13 сакавіка — дзень абраньня пантыфіка — было напісана больш за 7 мільёнаў паведамленьняў на гэтую тэму.
Адразу пасьля абвяшчэньня імя новага папы, пра гэта зьявілася 130 тысячаў твітаў на хвіліну.
Хэштэг #HabemusPapam («У нас ёсьць папа», традыцыйная заключная фраза на выбарах пантыфіка) за дзень ператварыўся ў адзін з самых папулярных і камэнтаваных ў сацыяльных сетках. Наступнымі паводле папулярнасьці хэштэгу сталі словазлучэньні #HumoBlanco і #FumataBlanca («белы дым», які паведамляе аб абраньні папы).
Афіцыйны мікраблёг папы рымскага, створаны яшчэ пры папрэднім пантыфіку, быў заблякаваны пасьля рашэньня Бэнэдыкта XVI пакінуць папскі трон у канцы лютага.
Аднак з абраньнем Францішка, твітэр ізноў «ажыў». «Зараз у нас папа Францішак», — гаварылася ў паведамленьні, якое набрала больш за 76 тысяч рэтвітаў (перадруковак) за некалькі гадзінаў.
У сераду канкляў выбраў арцыбіскупа Буэнас-Айрэса Хорхэ Марыё Бэргольё кіраўніком Рымска-каталіцкай царквы. Новы папа абраў сабе імя Францішак, нагадвае РІА «Новости».
Адразу пасьля абвяшчэньня імя новага папы, пра гэта зьявілася 130 тысячаў твітаў на хвіліну.
Хэштэг #HabemusPapam («У нас ёсьць папа», традыцыйная заключная фраза на выбарах пантыфіка) за дзень ператварыўся ў адзін з самых папулярных і камэнтаваных ў сацыяльных сетках. Наступнымі паводле папулярнасьці хэштэгу сталі словазлучэньні #HumoBlanco і #FumataBlanca («белы дым», які паведамляе аб абраньні папы).
Афіцыйны мікраблёг папы рымскага, створаны яшчэ пры папрэднім пантыфіку, быў заблякаваны пасьля рашэньня Бэнэдыкта XVI пакінуць папскі трон у канцы лютага.
Аднак з абраньнем Францішка, твітэр ізноў «ажыў». «Зараз у нас папа Францішак», — гаварылася ў паведамленьні, якое набрала больш за 76 тысяч рэтвітаў (перадруковак) за некалькі гадзінаў.
У сераду канкляў выбраў арцыбіскупа Буэнас-Айрэса Хорхэ Марыё Бэргольё кіраўніком Рымска-каталіцкай царквы. Новы папа абраў сабе імя Францішак, нагадвае РІА «Новости».
