«Мы ня будзем абмяжоўвацца толькі адным апаратам, як і дамаўляліся раней, разгледзім пытаньні, каб у Беларусі вырабляць спадарожнікі», — паведаміў Мясьніковіч на сустрэчы з намесьнікам кіраўніка Фэдэральнага касьмічнага агенцтва Расеі Анатолем Шылавым.
Мясьніковіч таксама паведаміў, што Беларусь разам з Расеяй плянуе стварыць сумесную касьмічную групоўку апаратаў.
Чакаецца, што ўжо ў канцы кастрычніка бягучага году бакі змогуць паўнавартасна працаваць у космасе з удзелам беларускага ЦКП, піша БелТА.
Як беларусы ў космас ляталі і яшчэ будуць лятаць
22 ліпеня 2012 году з касмадрому Байканур быў запушчаны беларускі спадарожнік. Тады афіцыйныя мэдыі паведамлялі, што сярод задач, якія будзе вырашаць Беларускі касьмічны апарат (БКА) — кантроль надзвычайных сытуацый, абнаўленьне мапаў, маніторынг навакольнага асяродзьдзя.
4 ліпеня амбасадар Вэнэсуэлы ў РБ Амэрыка Дыяс Нуньес паведаміў журналістам, што Беларусь будзе будаваць у Вэнэсуэле касьмічную базу для запуску штучных спадарожнікаў.
«Беларусь будзе ўдзельнічаць у будаўніцтве касьмічнай базы ў штаце Арагуа ў Вэнэсуэле. Будаўніцтва гэтай базы заплянаванае не для запуску ядзерных ракетаў, а для запуску навукова-дасьледчых спадарожнікаў, — сказаў тады дыплямат. — Цяпер спадарожнікі вырабляюцца ў Кітаі, але ўжо дасягнута дамоўленасьць, што яны будуць зьбірацца на тэрыторыі Вэнэсуэлы».
Першую БелКА (абрэвіятура ад «Беларускі касьмічны апарат») спрабавалі запусьціць 26 ліпеня 2006 году з Байкануру, але ракета-носьбіт «Днепр» пацярпела аварыю.
Першая «БелКА» праляцела ўсяго 73 сэкунды. На ўзьлёце рухавікі аварыйна адключыліся. Фрагмэнты ракеты са спадарожнікам упалі на поўдні Казахстану.
Мясьніковіч таксама паведаміў, што Беларусь разам з Расеяй плянуе стварыць сумесную касьмічную групоўку апаратаў.
Чакаецца, што ўжо ў канцы кастрычніка бягучага году бакі змогуць паўнавартасна працаваць у космасе з удзелам беларускага ЦКП, піша БелТА.
Як беларусы ў космас ляталі і яшчэ будуць лятаць
22 ліпеня 2012 году з касмадрому Байканур быў запушчаны беларускі спадарожнік. Тады афіцыйныя мэдыі паведамлялі, што сярод задач, якія будзе вырашаць Беларускі касьмічны апарат (БКА) — кантроль надзвычайных сытуацый, абнаўленьне мапаў, маніторынг навакольнага асяродзьдзя.
4 ліпеня амбасадар Вэнэсуэлы ў РБ Амэрыка Дыяс Нуньес паведаміў журналістам, што Беларусь будзе будаваць у Вэнэсуэле касьмічную базу для запуску штучных спадарожнікаў.
«Беларусь будзе ўдзельнічаць у будаўніцтве касьмічнай базы ў штаце Арагуа ў Вэнэсуэле. Будаўніцтва гэтай базы заплянаванае не для запуску ядзерных ракетаў, а для запуску навукова-дасьледчых спадарожнікаў, — сказаў тады дыплямат. — Цяпер спадарожнікі вырабляюцца ў Кітаі, але ўжо дасягнута дамоўленасьць, што яны будуць зьбірацца на тэрыторыі Вэнэсуэлы».
Першую БелКА (абрэвіятура ад «Беларускі касьмічны апарат») спрабавалі запусьціць 26 ліпеня 2006 году з Байкануру, але ракета-носьбіт «Днепр» пацярпела аварыю.
Першая «БелКА» праляцела ўсяго 73 сэкунды. На ўзьлёце рухавікі аварыйна адключыліся. Фрагмэнты ракеты са спадарожнікам упалі на поўдні Казахстану.
