«Адпачынак па-беларуску. Што гэта і як?» Пераможцы 3-га тыдня
«Адпачынак па-беларуску. Што гэта і як?» Пераможцы 3-га тыдня
Радыё Свабода абвяшчае пераможцаў трэцяга тыдня ў конкурсе «Адпачынак па-беларуску. Што гэта і як?» Гэтым разам мы вырашылі адзначыць аўтараў ажно шасьці фатаздымкаў.
Сяргей Ільін даслаў яскравы фатаздымак, які пракамэнтаваў такім чынам: «Проста ляжаць на роднай зямлі — гэта для мяне ўжо адпачынак!»
Фота Сяргей Ільін
Кірыл Ярашэвіч адпачывае па-беларуску на Алімпіядзе-2012, таму і даслаў сьвежы фатаздымак зь Лёндану.
Фота Кірыл Ярашэвіч
Міхал Румянцаў разам з фатаздымкам даслаў цэлы зварот: «Футбол — гэта актыўны адпачынак. Футбольны клюб „Пагоня“ зараз рыхтуецца да вырашальных матчаў чэмпiянату Менскай аматарскай футбольнай лігі. Прыходзьце падтрымаць „чырвона-белых“! Падрабязьней пазнаёміцца з футбольным клюбам „Пагоня“ і даведацца, як і дзе яго падтрымаць, можна тут: vk.com/pahonia».
Фота Міхаіл Румянцаў
Саша Сычыкаў ужо больш за два гады жыве ў ЗША, але пра Беларусь не забывае. Фатаздымак зроблены ў траўні ў штаце Арызона на Вялікім каньёне, калі Аляксандар вандраваў па ўсёй Амэрыцы зь бел-чырвона-белым сьцягам.
Фота Саша Сычыкаў
А фатаздымак Лесі Рубцэвіч зроблены ў часе танцавальнага летніка «Пятровіца» ў вёсцы Шыпілавічы Любанскага раёну.
Фота Леся Рубцэвіч
Хтосьці вандруе па новых далёкіх краінах і пераплывае акіяны, а Andrei Duke бачыць адпачынак вось так.
Фота Andrei Duke
Да канца лета мы прымаем ад нашых чытачоў і слухачоў яскравыя і адметныя аўтарскія фота, якія адлюстроўваюць асаблівасьці адпачынку па-беларуску ды адказваюць на пытаньне: як і дзе адпачываюць беларусы?
Дасылайце свае фотаназіраньні разам з кантактнымі дадзенымі на e-mail: radiosvaboda@gmail.com з пазнакаю «фатаконкурс», выкладайце ў twitter з пазнакаю @svaboda ці адразу ў альбом у суполцы Радыё Свабода ў ВК.
Па выніках адбору журы і па ацэнках папулярнасьці ў сацыяльных сетках аўтары лепшых фатаздымкаў атрымаюць прыемныя і цікавыя падарункі ад Радыё Свабода. Кожны тыдзень на сайце Радыё Свабода будуць публікавацца найлепшыя фатаздымкі тыдня. Пераможцаў гэтага тыдня вызначаць у наступны панядзелак.
Усе працы, адзначаныя ў тыднёвых этапах конкурсу, будуць удзельнічаць у фінальным конкурсе. Удзельнікі сацыяльных сетак выберуць шляхам галасаваньня найлепшы фатаздымак, аўтар якога атрымае каштоўны падарунак ад Радыё Свабода.
Таксама прапануем пазнаёміцца з конкурснымі вынікамі мінулых тыдняў.
