Лінкі ўнівэрсальнага доступу

Працэс Кавалёва-Канавалава. Дзень трынаццаты

абноўлена

У судзе на працэсе Канавалава-Кавалёва працягваецца агучваньне пратаколаў допытаў і пастановаў адносна пацярпелых, якія атрымалі лёгкія пашкоджаньні.

«У мэтро дзейнічалі марадзёры»
пачакайце

No media source currently available

0:00 0:03:07 0:00
Наўпроставы лінк


…17:30 У другой палове дня ў судзе працягвалі зачытваць пратаколы допыту пацярпелых, якія атрымалі ў выніку выбуху лёгкія цялесныя пашкоджаньні. Сярод іх былі паказаньні і вядомага беларускага атлета Вячаслава Харанекі, якога дапытвалі двойчы, 14 і 27 красавіка. Падчас выбуху Харанека знаходзіўся на балькончыку перад ўваходам у тунэль, што вядзе з Кастрычніцкай на Купалаўскую і мог бачыць Канавалава. Але з паказаньняў не зразумела, бачыў спартовец Канавалава ці не.

5 кастрычніка судовае паседжаньне працягнецца.

…14:00 Выступілі двое пацярпелых. Пацярпелы Андрэй Тышкевіч расказаў пра факт марадзёрства ў мэтро пасьля выбуху. Яго выкінула выбухам на супрацьлеглыя пуці. Быў паранены, але сам выбраўся. Калі выбіраўся з пуцей, скінуў паліто, у якім застаўся гаманец з 1,5 млн. рублёў. Паліто забыў пасьля забраць. Пазьней у міліцыі вярнулі гаманец, у якім засталося толькі пасьведчаньне і 10 тысяч рублёў. Знаёмы міліцыянт сказаў, што быў знойдзены марадзёр.

Выступіў Андрэй Гаршкоў. У яго была параненая нага. Дагэтуль кульгае і не працуе. Ён заявіў пра страты у 5 млн. рублёў. Было зачытана больш за 50 паказаньняў допытаў пацярпелых, большасьць з якіх атрымалі лёгкія пашкоджаньні і зьвярнуліся за дапамогай на наступны дзень пасьля выбуху.

Некалькі пацярпелых, сярод якіх Семянюк, Слабадзян, Філіповіч, аказаліся ў момант выбух на мосьце з пераходу са станцыі мэтро «Купалаўская». Яны маглі бачыць там Канавала, у той момант, калі ён націскаў кнопку. Незразумела, ці пыталіся ў іх пра Канавалава.

Абвешчаны перапынак. Пасьля перапынку працягнецца зачытваньне пратаколаў пацярпелых.

15 верасьня — пачатак суду па выбуху ў менскім мэтро
Абвінавачаныя часткова прызналі віну. Суд за тэракты. Онлайн
Суд за тэракты. Дзень другі
Суд за тэракты. Дзень трэці
Суд за тэракты. Дзень чацьверты
Суд за тэракты. Дзень пяты
Суд за тэракты. Дзень шосты
Суд за тэракты. Дзень сёмы
Суд за тэракты. Дзень восьмы
Суд за тэракты. Дзень дзявяты
Суд за тэракты. Дзень дзясяты
Суд за тэракты. Дзень адзінаццаты
Суд за тэракты. Дзень дванаццаты

Канавалава вінавацяць у злачынствах паводле:
  • частак 1, 2, 3 артыкула 289 (тэрарызм)
  • частак 2, 3 артыкула 295 (незаконныя дзеяньні ў дачыненьні да агнястрэльнай зброі, боепрыпасаў і выбуховых рэчываў)
  • частак 2,3 артыкула 339 (хуліганства)
  • частак 2 артыкула 218 (наўмыснае зьнішчэньне або пашкоджаньне маёмасьці)
  • частак 1 артыкула 14 (замах на злачынства) Крымінальнага кодэксу Беларусі

Кавалёва вінавацяць у злачынствах паводле:
  • часткі 6 артыкула 16 (дапамога ў злачынстве)
  • часткі 3 артыкула 289 (тэрарызм)
  • часткі 3 артыкула 295 (незаконныя дзеяньні ў дачыненьні да агнястрэльнай зброі, боепрыпасаў і выбуховых рэчываў)
  • частак 2,3 артыкула 339 (хуліганства)
  • частак 2 артыкула 218 (наўмыснае зьнішчэньне або пашкоджаньне маёмасьці)
  • часткі 2 артыкула 405 (укрывальніцтва злачынстваў)
  • частак 1, 2 артыкула 406 (неданясеньне аб злачынстве)
Канавалава і Кавалёва таксама вінавацяць у тым, што яны арганізавалі іншыя выбухі — у Віцебску (14 і 22 верасьня 2005 году) і ў Менску (3 ліпеня 2008 году).
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG