ВОБЛАЧНА...
...але без ападкаў. Тэмпэратура: 7-15 С.
НЕ ПРАХОДЗЬЦЕ МІМА:
У Менск прыбывае парлямэнцкая дэлегацыя Даніі на чале са старшынём камітэту па зьнешняй палітыцы Эвай К'ер Хансэн.
У Берасьці прэзэнтацыя праграмы "Мільён новых працоўных месцаў для Беларусі" кандыдата ў прэзыдэнты ад Аб'яднанай грамадзянскай партыі Яраслава Раманчука.
У паб-клюбе "Графіці" ў Менску Berserk Live — канцэрт маладых гуртоў.
ТАМ ДЗЕ НАС НЯМА:
Ізраільскі міністар абароны Эгуд Барак зь візытам у Расеі.
Форум міжрэгіянальнага супрацоўніцтва Расеі і Казахстану ў Уст-Каменагорску ў Казахстане, у якім возьмуць удзел прэзыдэнты абедзьвюх краін, Дзьмітрый Мядзьведзеў і Нурсултан Назарбаеў.
ТАКСАМА Ў ГЭТЫ ДЗЕНЬ:
У 1933 адбываецца абмен на савецка-польскай мяжы: Францішак Аляхновіч вяртаецца з савецкай вязьніцы ў Заходнюю Беларусь, а палякі перадаюць саветам Браніслава Тарашкевіча.
У 1943 нарадзіўся Роджэр Уотэрз, адзін з заснавальнікаў і доўгагадовы лідэр рок-гурту "Пінк Флойд", басіст, вакаліст, кампазытар і аўтар тэкстаў песьняў.
У 1991 году Дзяржсавет СССР пад старшынствам Міхаіла Гарбачова прызнае незалежнасьць Літвы, Латвіі і Эстоніі. Таксама ў гэты дзень Чачэнская рэспубліка Ічкэрыя абвяшчае сябе незалежнай.
ЁСЬЦЬ НАГОДА:
Дзень працы ў ЗША.
Дзень аб’яднаньня Баўгарыі.
МІНУС 365:
Год таму на сайце Свабоды: "Ахвотных трапіць на бардаўскі фэст міліцыя вывозіла з Воршы на аўтазаку".
ЦЫТАТА НА ПАМЯЦЬ:
"Тваё жыцьцё ўвесь час з табою,
яно ня больш, чым згледзіш вокам і кранеш рукою".
Роджэр Уотэрз, з песьні "Дыханьне" з альбому "Цёмны бок Месяца" (1973).