За 18 дзён беларускай публіцы будзе прадстаўлены 21 спэктакль тэатраў Італіі, Швайцарыі, Польшчы, Літвы, Латвіі, Эстоніі, Расіі, Вэнэсуэлы. У Менск прыедзе знакаміты тэатар “Пікала дэ Мілана” зь Італіі, у сталічных аматараў тэатру будзе магчымасьць убачыць спэктакль у пастаноўцы легендарнага Пітэра Брука.
Распачаўся тэатральны форум пастаноўкай “Пінскай шляхты” Вінцэнта Дуніна-Марцінкевіча на сцэне Нацыянальнага акадэмічнага тэатра імя Янкі Купалы. Дарэчы, дзякуючы энтузіязму купалаўцаў, у Менску чацьвёрты раз праводзіцца фэст такога маштабу, — кажа намесьнік міністра культуры Ўладзімер Рылатка:
“Уся творчая праграма складзена купалаўцамі, уся арганізацыйная праца вядзецца купалаўцамі”.
Акрамя Купалаўскага тэатра, лепшыя свае працы пакажуць яшчэ сем беларускіх тэатральных калектываў. Будуць госьці з Санкт-Пецярбургу, Магнітагорску, Кракава, Рыгі, Таліна, Вільні — арганізатары пастараліся адабраць лепшыя пастаноўкі. Гаворыць мастацкі кіраўнік Купалаўскага тэатра Мікалай Пінігін:
Мікалай Пінігін“І нарэшце майстар-кляса — Фэручыё Салеры. Гэта “Пікала дэ Мілана”, тэатар камэдыі са спэктаклем “Арлекін — слуга двух гаспадароў”. Да нас прыяжджае спэктакль Пітэра Брука. Ён — апошні з магікан эўрапейскай рэжысуры. Імёны Коршунаваса, Хэрманіса, Брука, Стрэлера — гэта ўпрыгожваньне любой фэстывальнай афішы”.
На фэстывалі будуць майстар-клясы, творчыя сустрэчы, выставы, круглыя сталы, а таксама ўнікальныя праекты, аналягаў якім няма. Да прыкладу, праект “Тэатар On-Line”.
Мікалай Пінігін: “Даецца тэма, абсалютна абстрактная, такая мэдытацыя: “Хто я?”, — і сем параў, маладых драматургаў і рэжысэраў, ствараюць тэксты і цягам двух тыдняў іх ставяць. Паглядзім, якія мы маем маладыя таленты. Упершыню на “Панараме” мы абмяжуемся сваімі, каб быў практычны сэнс у гэтым, каб ведаць, з кім нам працаваць. Спадзяюся, гэта атрымаецца”.
Другі праект праводзіцца на “Панараме” ўпершыню. Гэта музычна фэерыя
“Тэатральны SOUND” — драматычныя акторы будуць сьпяваць у складзе музычных калектываў.
Мікалай Пінігін: “Дзецідзяцей” — вядомы гурт, дзе працуюць акторы нашага тэатра, лідэр Аня Хітрык; “Срэбнае вясельле”; Дзяніс Паршын і гурт “StepHoll”; “9-ы мілімэтар”; “Маланка orchestra” і дзіцячы хор “Радасьць”. Відовішча будзе зроблена ў выглядзе канцэрту, спэктаклю, з элемэнтамі плястыкі. Асабіста для мяне, гэта вельмі цікава, бо адна з акторскіх граняў — сьпяваць”.
Арганізатары фэстывалю распавялі, што ўсім тэатрам, якія прыяжджаюць на “Панараму” выплачваюцца ганарары. І падзякавалі Міністэрству культуры, гарадзкім уладам, генэральнаму партнэру “Белгазпрамбанку”, якія ў няпросты час падтрымалі тэатральную “Панараму”.
Распачаўся тэатральны форум пастаноўкай “Пінскай шляхты” Вінцэнта Дуніна-Марцінкевіча на сцэне Нацыянальнага акадэмічнага тэатра імя Янкі Купалы. Дарэчы, дзякуючы энтузіязму купалаўцаў, у Менску чацьвёрты раз праводзіцца фэст такога маштабу, — кажа намесьнік міністра культуры Ўладзімер Рылатка:
“Уся творчая праграма складзена купалаўцамі, уся арганізацыйная праца вядзецца купалаўцамі”.
Акрамя Купалаўскага тэатра, лепшыя свае працы пакажуць яшчэ сем беларускіх тэатральных калектываў. Будуць госьці з Санкт-Пецярбургу, Магнітагорску, Кракава, Рыгі, Таліна, Вільні — арганізатары пастараліся адабраць лепшыя пастаноўкі. Гаворыць мастацкі кіраўнік Купалаўскага тэатра Мікалай Пінігін:
На фэстывалі будуць майстар-клясы, творчыя сустрэчы, выставы, круглыя сталы, а таксама ўнікальныя праекты, аналягаў якім няма. Да прыкладу, праект “Тэатар On-Line”.
Мікалай Пінігін: “Даецца тэма, абсалютна абстрактная, такая мэдытацыя: “Хто я?”, — і сем параў, маладых драматургаў і рэжысэраў, ствараюць тэксты і цягам двух тыдняў іх ставяць. Паглядзім, якія мы маем маладыя таленты. Упершыню на “Панараме” мы абмяжуемся сваімі, каб быў практычны сэнс у гэтым, каб ведаць, з кім нам працаваць. Спадзяюся, гэта атрымаецца”.
Другі праект праводзіцца на “Панараме” ўпершыню. Гэта музычна фэерыя
“Тэатральны SOUND” — драматычныя акторы будуць сьпяваць у складзе музычных калектываў.
Мікалай Пінігін: “Дзецідзяцей” — вядомы гурт, дзе працуюць акторы нашага тэатра, лідэр Аня Хітрык; “Срэбнае вясельле”; Дзяніс Паршын і гурт “StepHoll”; “9-ы мілімэтар”; “Маланка orchestra” і дзіцячы хор “Радасьць”. Відовішча будзе зроблена ў выглядзе канцэрту, спэктаклю, з элемэнтамі плястыкі. Асабіста для мяне, гэта вельмі цікава, бо адна з акторскіх граняў — сьпяваць”.
Арганізатары фэстывалю распавялі, што ўсім тэатрам, якія прыяжджаюць на “Панараму” выплачваюцца ганарары. І падзякавалі Міністэрству культуры, гарадзкім уладам, генэральнаму партнэру “Белгазпрамбанку”, якія ў няпросты час падтрымалі тэатральную “Панараму”.
