Лінкі ўнівэрсальнага доступу

“Вячэра з дурнем” і іншыя прэм’еры купалаўцаў


Купалаўскі тэатар
Купалаўскі тэатар

На ліпеньскай афішы Нацыянальнага акадэмічнага тэатру імя Янкі Купалы — шэсьць прэм’ераў. Такая творчая актыўнасьць трупы вядучай сцэны краіны ўражвае сталых тэатралаў.

Яны ўспрымаюць яе як першыя вынікі працы новага мастацкага кіраўніка купалаўцаў Мікалая Пінігіна, прызначанага на гэтую пасаду паўгода таму.

Сёньня і заўтра на Малой сцэне тэатру — “ГендэльБах”. Гэта прэм’ерны спэктакль паводле камэдыі нямецкага драматурга Паўля Барца “Магчымая сустрэча”. У аснове сюжэту — прыдуманая сустрэча двух вялікіх кампазытараў. Праўда, калі пасьпяховы і заможны Гендэль прыяжджаў у Ляйпцыг, каб атрымаць чарговую ўзнагароду і захапленьне публікі, непрызнаны і бедны Бах працаваў у храме сьвятога Тамаша. Гендэль ня мог і не жадаў сустракацца зь нікому не вядомым тады геніем.

Паставіў спэктакль Генадзь Мушпэрт. Галоўныя ролі выконваюць заслужаныя артысты Беларусі Сяргей Краўчанка і Аляксандар Падабед.

А 7 і 8 ліпеня пройдуць прэм’ерныя паказы спэктаклю “Вячэра з дурнем”, які паставіў сам мастацкі кіраўнік тэатру. Чым прывабіла яго п’еса францускага драматурга Франсіса Вэбэра, патлумачыць нашаму радыё Мікалай Пінігін катэгарычна адмовіўся. Пры гэтым ён заявіў:

“Гэты спэктакль — камэрцыйны. Зразумела, чаму?”

Афіцыйны сайт тэатру, між тым, паведамляе, што “Вячэра з дурнем” — гэта “неверагодна сьмешны, але разам з тым кранальны і добры спэктакль”. Галоўныя ролі ў ім будуць выконваць любімцы публікі — заслужаныя артысты Беларусі Сяргей Журавель і Віктар Манаеў.

Калі браць пад увагу, што прэм’ернымі лічацца ўсе новыя спэктаклі сэзону, то ў ліпеньскай афішы купалаўцаў, акрамя згаданых, яшчэ чатыры прэм’еры. 23-га на Малой сцэне пакажуць “Старамодную камэдыю”, а 27-га тамсама — “Дамскае танга”.

Асноўная ж сцэна запрашае 25-га і 27-га яшчэ раз на “Вячэру з дурнем”, 23-га і 24-га — на “Хама”, а ў апошнія два ліпеньскія вечары — на “Пінскую шляхту”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG