Print Options:

Images
Multimedia

Embedded Content
Comments

Спасылка скапіявалася

НАВІНЫ ТЭСТЫ

Гарачыя навіны!

Тыдзень у фатаздымках, 28 чэрвеня — 3 ліпеня

04 ліпень 2009, 22:48

Беларускія падзеі ў фотаздымках, 28 чэрвеня — 3 ліпеня 2009 году.

28 чэрвеня, нядзеля

У нядзелю апоўдні дзясяткі актывістаў Гомеля з кветкамі прыйшлі на вуліцу Барысенкі да ізалятара часовага ўтрыманьня сустракаць каардынатара руху “За Свабоду” Ўладзімера Кацору. Акурат у гэты час мінаў тэрмін трохсуткавага арышту палітыка за ўдзел у ланцугу памяці зьніклага экс-міністра ўнутраных спраў генэрала Захаранкі. На знак пратэсту супраць пакараньня удзельнікаў акцыі Ўладзімер Кацора яшчэ ў залі суду абвясьціў сухую галадоўку.

Кіраўнік стваранага руху “Разам” Вячаслаў Сіўчык і грамадзкія актывісты зь Віцебску і Глыбокага наведалі месца бязьвіннай загубы вязьняў глыбоцкай турмы “Беразьвечча”, якіх турэмная ахова расcтраляла на шляху ў Віцебск у першыя дні Вялікай Айчыннай вайны.

29 чэрвеня, панядзелак

У Менску пачалася рэспубліканская выстава-кірмаш тавараў і прадукцыі айчынных вытворцаў "Зроблена ў Беларусі".

30 чэрвеня, аўторак

Аб’явіў галадоўку 24-гадовы Аляксандар Жыткевіч з Гарадоччыны. Ён кажа, што галадоўка для яго — адзінае і апошняе выйсьце: ён сірата, яго не бяруць на працу, і на цяперашні момант ён ня мае сродкаў да існаваньня.

Прадстаўнічая дэлегацыя амэрыканскага кангрэсу ўпершыню больш як за 10 апошніх гадоў прыехала ў Беларусь.

У Менску ўвечары рэпэтавалі вайсковы парад

Нядаўна пакладзены асфальт ператварыўся ў пральную дошку.
Фотагалерэя

Позна ўвечары з магілёўскай калёніі вызвалілі грамадзяніна ЗША Эмануіла Зэльцэра

1 ліпеня, серада

У Менску быў урачыста адкрыты помнік падпольшчыкам Кірылу Трусу, Уладзімеру Шчарбацэвічу і Машы Брускінай. Раней на месцы павешаньня патрыётаў была толькі мэмарыяльная шыльда з двума імёнамі — Шчарбацэвіча і Труса. А тое, што ім дапамагала габрэйская дзяўчынка Маша Брускіна, катэгарычна адмаўлялася гісторыкамі і прапагандыстамі. І вось праз 68 гадоў імя Машы Брускінай увекавечана. На фота — выступае выканаўца абавязкаў старшыні менгарвыканкаму Мікалай Ладуцька

Расьцяжка са словамі “Крымінал Сьвеціка сфабрыкаваны” зьявілася на фасадзе жылога 12-павярховага дома на скрыжаваньні Маскоўскага праспэкту і вуліцы Чкалава. Тым часам у абласным судзе праходзіла 12-е пасяджэньне па справе віцебскага праваабаронцы Леаніда Сьвеціка, якога судзяць паводле выстаўленага КДБ абвінавачаньня ў распальваньні міжнацыянальнай і рэлігійнай варожасьці. Апазыцыйная моладзь горада вырашыла такім чынам падтрымаць праваабаронцу, у чыю вінаватасьць віцебскія актывісты ня вераць.

У Будславе 1—2 ліпеня прайшло штогадовае свята Маці Божай Будслаўскай. Удзел у ім прынялі некалькі тысяч вернікаў зь Беларусі, Літвы, Украіны, Польшчы, ЗША і Расеі.

	Відэа
	Фотагалерэя

2 ліпеня, чацьвер

У Магілёве адкрылі мэмарыяльны знак у памяць аб забітых у 1941-42 гадах пацыентах мясцовай псыхіятрычнай лякарні.

3 ліпеня, пятніца

Парад з нагоды Дня незалежнасьці разам з Аляксандрам Лукашэнкам прымаў ягоны сын Мікола.

Да месца правядзеньня вайсковага параду ў Менску выстраіліся доўгія чэргі. Кожны, хто хацеў падыйсьці бліжэй, мусіў абавязкова прайсьці праверку мэталадэтэктарам.
Фотарэпартаж з Дня рэспублікі.

У Гомелі на сёлетні Дзень рэспублікі ўпершыню на вуліцы выйшла вайсковая тэхніка — бронетранспарцёр і палутарка з прычэпленай гарматай.

XS

SM

MD

LG