Радыё Свабода Як ставяцца ў Беларусі да рашэньня ўладаў ЗША заблякаваць фінансавыя актывы і маёмасьць, якія належаць кіраўніку Беларусі Аляксандру Лукашэнку, а таксама шэрагу высокапастаўленых чыноўнікаў? Нагадаем: у загадзе, падпісаным у панядзелак прэзыдэнтам ЗША Джорджам Бушам, сказана, што Аляксандар Лукашэнка і дзейны беларускі ўрад, перашкаджаючы працэсу дэмакратызацыі краіны, парушаючы правы чалавека, праводзячы палітычныя рэпрэсіі й злоўжываючы грамадзкай маёмасьцю, увасабляюць пагрозу нацыянальнай бясьпецы й замежнай палітыцы ЗША. Фінансавыя санкцыі, скіраваныя супраць Лукашэнкі й набліжаных да яго асобаў, уступілі ў дзеяньне адразу па падпісаньні дакумэнту.
